D vitamini - analiz, əlamətlər, risklər
- 2023.12.05 17:27
- 2257 Baxış
İlin bütün aylarında günəş işığı ilə dolu olsaq da, müasir həyat tərzi və qapalı fəaliyyətlər D vitamini çatışmazlığını artıraraq sağlamlığımıza ciddi təsir göstərə bilər.
"Medicina" xəbər verir ki, Bioloji Təbabət Klinikasının endokrinoloqları D vitaminin önəmindən, D vitamin çatışmazlığının risklərindən bəhs etmişlər.
D vitamini çatışmazlığının simptomları və riskləri nələrdir?
D vitamini çatışmazlığı tez-tez qiymətləndirilməyən bir vəziyyət kimi görünsə də, ciddi sağlamlıq problemlərinə səbəb ola bilər. Bədən günəş işığından aldığı D vitamini ilə tarazlığı qorumaq üçün proqramlaşdırılmışdır. Ancaq müasir həyat tərzi və qapalı məkanlarda keçirilən zaman bu tarazlığın pozulması ilə nəticələnir.
Endokrinoloqlar qeyd edir ki, D vitamini çatışmazlığını anlamaq üçün ilk növbədə simptomlara diqqət yetirmək lazımdır. Yorğunluq, sümük-əzələ ağrıları, enerji səviyyəsinin aşağı olması kimi simptomlar orqanizmdə kifayət qədər D vitamini olmadığını göstərən əlamətlərdir.
Bu çatışmazlıq sümük sağlamlığına birbaşa təsir etdiyi üçün osteoporoz riskini artıra bilər. O, həmçinin immunitet sistemini zəiflədə, infeksiyalara qarşı müqaviməti azalda və iltihablı xəstəliklərin ehtimalını artıra bilər. D vitamini azlığı ürək xəstəlikləri, diabet və xərçəng kimi xroniki xəstəliklərlə də əlaqələndirilir.
Bioloji Təbabət Klinikasının endokriniloqları bildirir ki, xüsusilə qış aylarında kifayət qədər günəş işığından yararlana bilməyən bölgələrdə yaşayanlar və müəyyən risk qrupları D vitamini çatışmazlığına qarşı daha diqqətli olmalıdır. Buna görə simptomları tanımaq və D vitamini səviyyələrini müntəzəm olaraq yoxlamaq ümumi sağlamlığın qorunmasında vacib bir addımdır.
D vitamini çatışmazlığında kimlər daha çox risk altındadır?
Yaşlılar, uşaqlar, hamilə qadınlar, qapalı işlərdə çalışanlar çox vaxt D vitamini çatışmazlığı riski altındadır. Həkimlər qeyd edir ki, həmçinin böyrək xəstəliyi, bağırsaq problemləri və ya malabsorbsiya problemləri kimi sağlamlıq problemləri olanlar da risk altındadır. D vitamini ehtiyacının tənzimlənməsi insanın həyat tərzindən, coğrafi mövqeyindən və ümumi sağlamlıq vəziyyətindən asılıdır. Bioloji Təbabət Klinikasının endokrinoloqları bildirir ki, kifayət qədər D vitamini qəbul edib-etmədiyinizi müəyyən etmək üçün mütəmadi olaraq qan testləri etmək vacibdir.
D vitamini çatışmazlığı və xəstəliklər arasında əlaqə var?
Unutmaq olmaz ki, D vitamini çatışmazlığı bir sıra sağlamlıq problemlərinə səbəb ola biləcək ciddi bir vəziyyətdir. Endokrinoloqlar bildirir ki, D vitamini çatışmazlığı osteoporoz, ürək xəstəlikləri, şəkərli diabet, immun sistem pozğunluqları və xərçəng kimi bir çox xroniki xəstəliklərlə əlaqələndirilir. D vitamininin hüceyrə səviyyəsində müxtəlif metabolik prosesləri tənzimləyərək və immunitet sistemini gücləndirərək bu xəstəliklərə qarşı qoruyucu rol oynadığı düşünülür. Odur ki, D vitamini azlığının aşkar edilməsi və müntəzəm monitorinqi ümumi sağlamlıq və xəstəliklərin qarşısının alınması üçün vacibdir.
D vitamini çatışmazlığı necə müəyyən edilir?
Qeyd edək ki, hər bir xəstəlikdə olduğu kimi D vitamini azlığının diaqnozu üçün də analiz vermək vacibdir. Bu test qanda D vitamini səviyyəsini ölçür, çatışmazlığı və ya artıqlığını təyin etməyə kömək edir.
Bioloji Təbabət Klinikasının endokrinoloqları bildirir ki, Vitamin D testi pasiyentlərə öz sağlamlıq vəziyyətlərini bildirməklə yanaşı, düzgün dozada D vitamini təyin etməyə kömək edir. Test nəticələrinə əsasən həkimlər müvafiq əlavələr və ya gündəlik D vitamini qəbulunu tövsiyə edirlər. Klinikanın laboratoriyasında da rahatlıqla bu analizi verə və düzgün müalicə üçün elə klinikanın endokrinoloqlarına müraciət edə bilərsiniz.
Unutmayın ki, D vitamini üçün müntəzəm olaraq testdən keçmək sağlamlığınıza nəzarət etmək və onu qorumaq üçün vacib addımdır.
https://btk.az
Ən Çox Oxunanlar
Yeni Xəbərlər
