COVID öz aktuallığını itirir - İnfeksionist
- 2022.10.15 14:59
- 5208 Baxış
Koronavirus pandemiyası başladığı gündən xeyli can aldı. Bir çox insan ağır xəstəlik keçirdikdən sonra güc-bəla ilə sağaldı. Hətta bəzi insanlarda qalıcı problemlər yarandı. Ancaq bu ilin yayından bəri bu xəstəlik əvvəlki kimi insanlarda həyacan, qorxu yaratmır.
Ancaq məlumdur ki, virus adətən özünü soyuq aylarda daha təsirli göstərir. Bu payız isə hələ ki qorxulu vəziyyətin şahidi olmuruq.
Bəs, irəliləyən günlərdə bizi nə gözləyir, təhlükə sovuşub deyə bilərikmi?
Tanınmış infeksionist Vasif Əliyev Modern.az-a açıqlamasında təhlükəli vəziyyətin sovuşduğunu bildirib. Onun sözlərinə görə, hazırda yoluxmada ciddi eniş var. Virusa ağır şəkildə yoluxanlar isə demək olar ki, yoxdur:
“Koronavirus artıq qripbənzər siptomlarla müşahidə olunduğu üçün xəstəxanaya müraciət etmədən sağalma mümükündür. Beləliklə, ciddi təhlükənin olacağını düşünmürəm. Biz yenə də, diqqətli olmalıyıq. Unutmamalıyıq ki, bu virusun yenidən təhlükəli hal alıb-almayacağı məlum deyil”.
V.Əliyev vurğulayıb ki, bu xəstəlik artıq öz aktuallığını itirir:
“Hazırkı durumu nəzərə alaraq təhlükə sovuşub deyə bilərik. İlin sonuna qədər təhlükəli vəziyyət olmayacaq. Zaman keçdikcə xəstəliyin aktuallığı daha da azalacaq”.
Ən Çox Oxunanlar
Yeni Xəbərlər
