Çiyindən çanta asmaq oynaqları məhv edir
- 2023.05.24 11:16
- 1581 Baxış
Bədənimizdə ən həssas bölgələrdən biri oynaqlardır. İllər keçdikcə köhnəlir, iltihablanır. Yaxşı xəbər odur ki, onları xilas etmək üçün bəzi üsullar var.
“Medicina” xəbər verir ki, həkimlər bir neçə variantlar təklif edib.
Uzun müddət oturmayın - Əgər siz ş yerində oturursunuzsa və asudə vaxtınızı divanda keçirməyə üstünlük verirsinizsə, zamanla oynaqlarınızın sıradan çıxması təəccüblü deyil. Uzun müddət ayağa qalxmadıqda, bəzi əzələlər qısalır və daim gərgin vəziyyətdə olur, bəziləri isə əksinə uzanır və zəifləyir. Buna görə də, hər saatda kürsüdən qalxmaq və hərəkət etmək vacibdir.
Su içmək - Kifayət qədər su içmək sağlam oynaqlarınız üçün çox vacibdir. Dehidrasiya ağrıya səbəb olur. Fakt budur ki, oynaqlarda sürtkü mayesi var və bədəndə kifayət qədər su yoxdursa, bu maye quruyur.
Problemlərdən qaçmaq üçün gündə bir kiloqram çəkiyə 30 ml su içmək kifayətdir.
Düzgün oturuş - Xəbərləri telefonunuzdan və ya kompüterinizdən oxumağınızın fərqi yoxdur. Zəif duruş boyun, çiyin və arxa oynaqlarda daha çox stress yaradır. Süfrə arxasında əyilmiş oturanlar isə "kompüter siçanı" sindromu və ya karpal tunel sindromunu inkişaf etdirə bilər.
Güc tələb edən məşqlər - Bəzi insanlar güc məşqlərini sevmirlər və özlərini kardio ilə məhdudlaşdırırlar. Bununla belə, oynaqlarınızın sağlamlığı üçün vacib olan güc məşqləridir. Bundan əlavə, onlar osteoporoz riskini azaltmağa kömək edir. Güc məşqləri, xüsusilə yaşlı insanlar üçün vacib olan əzələ kütləsinin itkisini kompensasiya etməyə kömək edir.
Çəkinizə diqqət edin – Çəki artımı həmişə oynaqlara əlavə təzyiqdir. Artıq çəkisi olan insanlarda oynaqlar daha tez kövrəkləşir. Dizlər xüsusilə ağır zərbə alır.
İdmanla məşğul olmaq - Çəki nə qədər çoxdursa, belə insanlar üçün məşqlər etmək bir o qədər vacibdir.
Çantanı eyni çiyində gəzdirmək vərdişi - Hər gün ağırlıq daşıyırsınızsa, çantaları bir çiyninizdə daşımamalı və ya belə bir bel çantası almalısız. Mağazadan hətta ağır alış-veriş çantalarını bir əldə daşımamaq lazımdır. Yükünüzü hər iki ələ bərabər paylayın.
Aygün Musayeva
Ən Çox Oxunanlar
Yeni Xəbərlər
