Çində yoluxanlar 100 minə çatdı - Kovid xəstəxanaları açılır
- 2022.04.04 17:42
- 1899 Baxış
Çində son 1 ildə yoluxma üzrə ən yüksək rəqəm qeydə alınıb.
Medicina.az xəbər verir ki, yeni tip kovidlə yoluxanların sayı pandemiya dövründə ilk dəfə olaraq 100 min nəfərə çatıb.
Çin Səhiyyə və Gigiyena Komitəsinin verdiyi məlumata görə, xəstəxana və xüsusi karantin müəssisələrində hazırda xəstələrin sayı 109 min 88 nəfərdir. Hər ötən gün rəqəmlər 9% artır.
Ötən sutka 13 268 yoluxma qeydə alınıb.
Məlumatda bildirilir ki, xəstələrdə yüksək hərarət, öskürək əlamətləri var.
Amma yoluxanların cəmi 1500 nəfərində xəstəlik əlamətləri görülür, qalanları simptomsuz daşıyıcılardır.
Lakin onlar da təcrid olunub xəstəxanaya yerləşdirilir ki, virusu yaymasınlar.
Son 4 gündə simptomsuz daşıyıcıların sayı 41% artıb.
Yoluxanların 1%-i xaricdən gəlib.
Bütün pandemiya dövründə Çində yoluxanların sayı 125 min nəfər idi, 4638 nəfər isə koviddən ölüb.
Ölkədə epidemik vəziyyət ciddi olaraq qalır.
Ən Çox Oxunanlar
Yeni Xəbərlər
