Çin koronavirusun mənşəyi ilə bağlı araşdırmada ÜST-ü dəvət etməyib
- 2020.05.01 09:26
- 2918 Baxış
Bunu “Sky News” telekanalına verdiyi müsahibədə ÜST-nin Çindəki nümayəndəsi Qauden Qalea məlumat verib.
“Ölkə daxilində araşdırma aparılsa da, biz bu araşdırmada iştirak üçün dəvət edilmədik. ÜST, səhiyyə komitəsinə və hökumət orqanlarına sorğu göndərir. Heyvanlar və insanlar arasında koronavirusun yayılmasını öyrənmək üçün virusun mənşəyi çox vacibdir. Koronavirusun yenidən yayılmasının qarşısını almaq üçün mümkün qədər çox məlumat əldə etməliyik”-deyə, o bildirib.
Onun sözlərinə görə, bütün mövcud məlumatları nəzərə alaraq, ÜST virusun heyvan mənşəli olduğuna və insanlar tərəfindən yaradılmadığına əmindir.
Qauden, Çinin pandemiyanın başlanğıcdan etibarən təşkilata tamamilə düzgün məlumat vermədiyini də istisna etməyib. Nümunə olaraq bildirib ki, yanvarın 3-dən 16-dək, Vuhanda koronavirusun yayılmasının sürətləndiyi zaman Çin hökuməti 41 yoluxma hadisəsinin qeydə alındığını açıqlayıb.
Oxumağa dəyər: Ramazanın 7-ci gününün duası - İmsak və iftar vaxtı
“Bu müddət ərzində cəmi 41 hadisə olması mümkündürmü? Mən belə düşünmürəm. Belə bir epidemiya ilə rəqəmin 41 halda dəyişməyəcəyi ehtimalı az idi. Başqa hallar varmı? Bu, Çinin cavab verməli olduğu sualdır”.
