Cəhənnəm əzabı: Panik ataklardan qurtulmağın yolları

2023.05.22 15:24
1704 Baxış

Panik atak tutmaları bir neçə dəqiqə ərzində ən yüksək həddə çatan güclü qorxu və ya narahatlıq hissinin pik nöqtəsidir. Bu, bir psixonevroloji problemdir.

“Medicina” xəbər verir ki, panik atak aşağıdakı simptomlarla özünü biruzə verir;

• Ürək döyüntüsü, çarpıntı və ya ürək döyüntüsü

• Yərləmə

• Titrəmək

• Nəfəs darlığı və ya boğulma hissi

• Döş qəfəsində ağrı və ya narahatlıq

• Bulantı və ya həzmsizlik

• Başgicəllənmə, qeyri-sabitlik, zəiflik hissi

• Derealizasiya (qeyri-reallıq hissi) və ya depersonalizasiya (özündən uzaqlaşma)

• İdarəetməni itirmək və ya "dəli olmaq" qorxusu

• Ölüm qorxusu

• Paresteziya (uyuşma)

• Üşümə və ya istilənmə

Çox vaxt tutmalar zamanı insan nəfəs adi haldan daha sürətli və daha dərin nəfəs alır. Nəfəs almaq çətin görünən bir vəziyyətə hiperventilyasiya deyilir. Normal ritmi bərpa etməyin ən asan yolu kağız torbaya nəfəs verib almaqdır.

Nəfəs almağı bərpa etməyin başqa bir yolu üzünüzü soyuq suya salmaqdır. Bu, daha dərin və yavaş nəfəs almağa, həmçinin ürək döyüntüsünü azaltmağa imkan verəcək.

Panik atak adrenalinin artıqlığına gətirib çıxarır, bitdikdən sonra bütün vücudunuzu,qollarınızı və ayaqlarınızı silkələyin, gücünüz varsa, yüngül idman hərəkətləri edin.

Əgər bu göstərilən hərəkətlərdən heç biri təsir etmirsə, təcili yardım çağırın.

Panik atakın simptomlarından utanmaq və ya buna görə özünü günahkar hiss etmək lazım deyil.

Aynurə Məmmədova