Bu vitamin koronavirusla mübarizəyə kömək edir - ALİMLƏR
- 2020.09.08 18:58
- 2945 Baxış
Hollandiyalı alimlər K vitamininin koronavirus müalicəsində effektiv olması barədə elmi tədqiqat aparıb.
Medicina.az xəbər verir ki, Canisius Wilhelmina xəstəxanasında koronavirus ağırlaşması ilə daxil olan və vəfat edən pasiyentlərdə daha çox bu vitamin defisiti aşkar olunub.
Alimlər K vitamininin hansı metodla koronavirusa üstün gələ biləcəyini açıqlayıb.
Belə ki, COVID virusu qanın laxtalanmasını pozur, tromb yaradır və ağciyərlərin elastik liflərinin deqradasiyasına səbəb olur.
Məhz K vitamini elə bir zülal sintezində tol oynayır ki, o qanın laxtalanmasını tənzimləyir və ağciyərləri qoruyur.
Bu vitamin qida ilə orqanizmə daxil olur və həzm sistemi tərəfindən vitaminə çevrilir.
Holland alimləri bu iddialarının təsdiqlənməsi üçün kliniki tədqiqatlara başlamaq fikrindədir.
Doktor Rob Yansen bildirib ki, vitamin K ilə koronavirusun profilaktikası və müalicəsi uğurlu ola bilər. Bu vitamin yalnız qanın laxtalanmasına qarşı varfarin kimi dərmanları qəbul edənlərə məlsəhət deyil. Qalan hər kəs üçün vacibdir.
“Məsləhətimiz odur ki, pandemiya dövründə hər kəs bu vitamin əlavələrini qəbul etsin. Bu vitamin sizin damarlarınız,sümükləriniz üçün vacibdir”.
Qeyd edək ki, K vitamini ispanaq, brokoli, giləmeyvələr, yaşıl tərəvəzlər, holland pendirində çoxdur.
Yazı “Zəka” Ziyalılar Məclisi İctimai Birliyinin Prezident yanında Qeyri-Hökumət Təşkilatlarına Dövlət Dəstəyi Şurasının maliyyə dəstəyi ilə icra etdiyi “COVİD-19 pandemiyası ilə bağlı əhaliyə tibbi və psixoloji informasiya dəstəyinin təşkili” layihəsi çərçivəsində hazırlanıb.
Ən Çox Oxunanlar
Yeni Xəbərlər
