Bu ölkənin əhalisi daha çox tənhadır
- 2025.04.25 17:16
- 103 Baxış
Dünyada hansı ölkənin sakinlərinin daha çox tənha olduğu məlum olub.
“Medicina” xəbər verir ki, Beynəlxalq alimlər qrupu ABŞ və Hollandiyanın tənhalığın ən yüksək səviyyədə olduğunu müəyyən edib.
Üstəlik, əvvəllər düşünüldüyü kimi bu sosial hiss yaşlılar arasında deyil, daha çox orta yaşlı insanlar arasında müşahidə olunur.
Tədqiqatçılar Avropa, Şimali Amerika və Yaxın Şərqdəki 29 ölkədən 50-90 yaş arası 64 mindən çox insanın məlumatlarını təhlil ediblər. Əksər ölkələrdə tənhalıq yaş artdıqca artsa da, tənhalıq səviyyəsinin ən yüksək olduğu ABŞ-da əks tendensiya müşahidə olunub: 45-65 yaş arası insanlar özlərini yaşlı insanlara nisbətən daha tənha hiss edirlər.
Emori Universitetinin professoru Dr. Robin Riçardson deyib: "İnsanın yaşlandıqca daha da tənhalaşdıqlarına dair ümumi bir inanc var. Lakin ABŞ-da bunun əksinədir - tənhalıq orta yaşda zirvəyə çatır".
İşsizlik, həyat yoldaşının olmaması, depressiya və sağlamlıq problemlərinin tənhalığın səbəbləri olduğu aşkar edildi, lakin onların təsiri ölkələr arasında çox fərqli idi.
Tədqiqat həmçinin tənhalığın səbəblərinin təxminən 20%-nin izah edilə bilməyəcəyini və demək olar ki, hamısının orta yaşlarda baş verdiyini müəyyən edib.
Alimlər bunun səbəbini bu yaşda olan insanların eyni vaxtda yüksək iş yükü, uşaqlara və yaşlı valideynlərə qayğı göstərmələri, eyni zamanda ünsiyyət və şəxsi həyat üçün boş vaxt çatışmazlığı yaşamaları ilə izah edirlər.
Aygün Musayeva
Ən Çox Oxunanlar
Yeni Xəbərlər
