Bu ölkədə peyvənd sertifikatı ləğv olunur
- 2022.03.18 14:07
- 1305 Baxış
2022-ci il mayın 1-dən etibarən İtaliyada qapalı məkanlara giriş zamanı sertifikiat tələb olunmayacaq.
Medicina.az xəbər verir ki, bu barədə səhiyyə naziri Roberto Speranza bildirib.
"Biz COVID sertifikatlarının ləğvi istiqamətində işlər görürük. Aprelin 1-dən əksər açıq yerlərdə, mayın 1-dən isə qapalı məkanlara girişdə də sertifikiat tələb olunmayacaq”, - nazir bildirib.
Səhiyyə Nazirliyinin rəhbəri əlavə edib ki, xəstələrlə təmasda olanlar üçün karantin ləğv edilib: "Təcrid yalnız COVID-19 üçün müsbət nəticə verənlər üçün məcburi olacaq".
Nazirin sözlərinə nörə, qapalı yerlərdə maskaların taxılması aprelin 30-dək məcburi olacaq.
Hökumət martın 31-də başa çatacaq fövqəladə vəziyyətin müddətini uzatmayacaq. Epidemioloji məlumatlar əsasında regionların rəng mənsubiyyəti ləğv ediləcək. Ölkədə tanınmış ekspertlərin və tibb müəssisələrinin nümayəndələrinin daxil olduğu komitə fəaliyyətini dayandıracaq.
Ən Çox Oxunanlar
Yeni Xəbərlər
