Bu il 273 nəfər dəm qazından zəhərlənib - Baş toksikoloq
- 2017.10.14 11:48
- 12600 Baxış
"Bu ilin yanvar-sentyabr aylarında xəstəxanaya dəm qazından zəhərlənmə ilə bağlı 273, dərman zəhərlənməsindən 112, ilan sancmaları ilə bağlı 76 nəfər müraciət edib”.
Medicina.az xəbər verir ki, bunu Səhiyyə Nazirliyinin Kliniki Tibbi Mərkəzin Toksikologiya şöbəsinin müdiri Azər Maqsudov metbuat.az-a açıqlamasında deyib:
"11 nəfər qaraqurd, 15 nəfər əqrəb sancması ilə xəstəxanaya daxil olub. Sirkə turşusu ilə 54 zəhərlənmə faktı aşkarlanıb”.
Baş toksiloq qeyd edib ki, dəm qazından zəhərlənmə diaqnozu ilə daxil olanlar arasında ölüm halı baş verməyib. Sirkə turşusu ilə zəhərlənən bir nəfər isə dünyasını dəyişib.
"Ümumilikdə, sirkə turşusu içənlər arasında 30-50 yaşlı qadınlar üstünlük təşkil edir".
Ən Çox Oxunanlar
Yeni Xəbərlər
