Bu içkilər ömrünüzü uzada bilir
- 2020.04.18 10:55
- 2526 Baxış
Son zamanlar aparılan araşdırmalar zamanı məlum olub ki, xüsusən də içkilər təkcə sağlamlığa müsbət təsir etmir, həm də ömrümüzü uzatmağa kömək edir.
Bəs bunlar hansı içkilərdir?
Süd
Süd orqanizm üçün çox faydalı maddələrdən ibarətdir və son elmi məlumatlara görə südün müntəzəm istifadəsi ciddi xəstəliklər riskini azalda bilər. Reading , Kardiff və Bristol Universitetlərinin apardığı ortaq araşdırma zamanı südün müntəzəm istifadəsinin insult və ürəyin işemik xəstəliyi kimi təhlükəli xəstəliklərdən ölüm riskini 15-20 faiz azalda biləcəyi müəyyən edilib.
Tədqiqat zamanı süd istehlakının ürəyin işemik xəstəliyi, diabet və insult riskinə təsirini araşdıran 324 elmi araşdırmanın nəticələri təhlil edilib.
Qəhvə
Yəqin ki, bir çoxumuz səhər bir fincan qəhvə xoşlayırıq? Elm adamlarının da qənaətə gəldiyi kimi, bu boş yerə deyil.
Tədqiqat nəticəsində qəhvənin istifadəsinin insult, xərçəng, böyrək və ürək xəstəlikləri, habelə tənəffüs xəstəlikləri riskini azalda biləcəyi müəyyən edildi. Yapon mənşəli Amerikalılar, İspanlar və Afrikalı Amerikalılar arasında təcrübənin nəticələri qəhvə içməyin daha da müsbət bir təsiri olduğunu müəyyən edib.
Digər bir araşdırma, hər gün bir fincan qəhvə içənlərin qəhvə içməyənlərə nisbətən ölüm riskinin 12 % aşağı olduğunu göstərir. Gündə 2-3 stəkan içənlər üçün bu risk artıq 18 %-dir.
Tədqiqatçıların fikrincə, qəhvənin tərkibində çox miqdarda fenolik birləşmələr, həmçinin xərçəngin qarşısının alınmasında mühüm rol oynayan antioksidanlar var.
Təbii portağal suyu
Şəkər və konservantlar əlavə edilməyən təbii portağal suyu nəzərdə tutulur.
Portağal suyunun çox miqdarda vitamin və mineral ehtiva etdiyini hamı bilir, istifadəsi eyni zamanda ürək xəstəliyi, diabet və xərçəng kimi ölümcül xəstəliklərdən qoruyur.
Alimlər portağal suyunun sağlamlıq üçün faydalarını tərkibindəki çox miqdarda antioksidanların tərkibi ilə əlaqələndirirlər. Vücudumuzu ürək-damar, onkoloji və digər ölümcül xəstəliklərin inkişafına kömək edən sərbəst radikalların zərərli təsirlərindən qorumağa kömək edən antioksidantlardır.
Son araşdırmaların da təsdiqlədiyi kimi, orqanizmdəkii antioksidanların tərkibini əhəmiyyətli dərəcədə artırmaq üçün gündə 750 ml təbii portağal suyu içmək kifayətdir.
