"Böyrək damarlarımda da xərçəng aşkarlanıb"- "Toppuş bacı" vəziyyətindən danışdı
- 2020.05.04 16:00
- 4510 Baxış
“Hazırda ailəmlə birgə evdəyəm. İşim üçün çox darıxıram. Çalışdığım “Space” televiziyasından da iki aya yaxındır ki, səhhətimlə bağlı ayrılmalı oldum. Kimya terapiyası qəbul edirəm. Çünki böyrək damarlarımda xərçəng aşkarlanıb”.
Medicina.az xəbər verir ki,bu sözləri oxu.az-a Əməkdar artist Tünzalə Əliyeva səhhətində yenidən yaranan problemlərdən danışarkən deyib.
“Koronavirus pandemiyası səbəbindən bütün dünyada xərçəng xəstələrinin müalicəsi dayandırılıb. Kimya terapiyası zamanı immun sistemi zəifləyir. Bu zaman koronavirusa yoluxmaq riski artır. Dünyada olduğu kimi, Azərbaycanda da kimya terapiyası dayandırılıb.
Yenidən xərçəng xəstəsiyəm. Şiş indi də böyrək yollarımdadır. Qanım aşağıdır, qalxmır. Bundan bir neçə il öncə uşaqlıq yolunun xərçəngindən əməliyyat olundum. Limfa vəzilərinə qədər sıçramışdı. Onun da müalicəsini apardım. İndi isə limfada deyil. MRT-nin cavabına əsasən, böyrək yollarında törəmələr aşkarlanıb".
Vətənimdə Mili Onkologiya Mərkəzində həm əməliyyat, həm də müalicə olundum. Orada mənə yüksək səviyyədə kömək oldular. Təmənnasız, bir qəpik pul almadan əməliyyatlarımı, kimya terapiyasını etdilər. İki ildən çoxdur ki, həkimlər məni sağaltmağa çalışırlar. Məni ayaqda saxlamaq üçün əllərindən gələni əsirgəmirlər. Xəstələr var ki, onlar hər üç aydan bir müayinəyə gedirlər, mən isə hər ay. Bütün bunlara görə, onlara sonsuz dərəcədə minnətdaram”.
Ən Çox Oxunanlar
Yeni Xəbərlər
