Boşanan insanların sağlamlığında nə baş verəcək?
- 2023.06.08 11:26
- 1292 Baxış
Boşanmanın sağlamlığa həm mənfi, həm də müsbət təsirləri var.
“Medicina” xəbər verir ki, boşanma kişilərin və qadınların sağlamlığına fərqli təsir göstərir.
Müxtəlif elmi araşdırmaların nəticələrinə görə, boşanma sağlamlıqda necə izlər qoyur?
Ürək xəstəlikləri - 60 yaşına qədər boşanmış qadınların 33%-də ürək-damar xəstəlikləri olacaq. Ailəli qadınlar qrupunda belə qadınların sayı 21,5% təşkil edəcək.
Ancaq boşanmış kişilərin 37,5%, evli kişilərin isə yalnız 31,7% ürək xəstəliyindən əziyyət çəkəcək. Çox nəzərəçarpan bir fərq deyil.
Alimlər qadınların ox həssaslığını 40 yaşdan sonra onların orqanizmində ürəyi qoruyan estrogen hormonunun səviyyəsinin aşağı düşməsi ilə izah edirlər.
Depressiya, alkoqolizm
Boşanma həm kişilərin, həm də qadınların psixi və emosional sağlamlığına böyük təsir göstərir. Ancaq bir sıra araşdırmalar kişilərin daha çox əziyyət çəkdiyini göstərir. Boşanmış kişilərin zamanla psixi sağlamlıq xidmətinə ehtiyacı evli kişilərlə müqayisədə 10 dəfə çox olur. Boşanmış qadınlarda bu ehtiyac cəmi beş dəfə artır.
Bədənin formadan düşməsi, zəiflik - Boşandıqdan sonra kişilərin boşanmış qadınlardan daha pis yeməyə başlaması onlara təsir edir. Ancaq bu vəziyyətdə subay kişilər boşanmış qadınlara nisbətən idman zalına daha tez-tez baş çəkir və baxımlı olurlar. Boşandıqdan sonra qidalanmaya diqqət etmirlər və kökəlirlər.
Demensiya - Subay kişilər və qadınlar təxminən eyni dərəcədə demans inkişaf riskinə malikdirlər.
Ömür - Müəyyən edilib ki, evli insanlar subaylardan orta hesabla yeddi il çox yaşayırlar. Kişilərdə bu fərq daha çoxdur. Yəni boşanma ömrü qısaldır.
Günay Quluzadə
Ən Çox Oxunanlar
Yeni Xəbərlər
