Boğuq və xışıltılı səsi olanlar zobu yoxlatsın

2023.05.30 15:07
1308 Baxış

Xışıltılı səsə səbəb qalxanvari vəzin şiş və zobu ola bilər.

“Medicina” xəbər verir ki, həkim – endokrinoloq Olqa Duxarevanın sözlərinə görə, xışıltılı və ya boğuq səslər tiroid vəzi ilə bağlı problemlərin əlamətlərindən biridir.

“Qalxanabənzər vəzinin kifayət qədər hormon (xüsusilə triiodotironin (T3) və tiroksin (T4)) istehsal etmədiyi hipotiroidizm səbəbiylə səs boğula bilər. Böyüklərdə baş verən hipotireoz adətən autoimmun xəstəliyin nəticəsidir.

Uzun müddət davam edən hipotiroidizm ilə xəstə tədricən xarakterik bir görünüş əldə edir – sarımtıl ödemli, şişkin bir üz, göz qapaqlarının, əzaların şişməsi. Əllərdə əzələ ağrısı, sərtlik və zəiflikdən narahatlıq. Dərinin quruluğu, saçların kövrəkliyi və solğunluğu, tökülməsi.

İnsanda nitq, səs və eşitmə qabiliyyətinin dəyişməsi uzun müddət müalicə olunmamış hipotiroidizmin əlaməti ola bilər ki, bu zaman orqanizmdə ciddi dəyişikliklər baş verir.

Məsələn, xəstənin səsi boğula bilər. Belə bir boğuq səs qırtlağa, dilə, orta qulağa təsir edən şişlik səbəbindən baş verir.

Bundan əlavə, hipotiroidizmi olan insanlar koqnitiv geriləmə, baş ağrıları, zəif həzm və daimi yorğunluqdan şikayət edirlər”.

Günay Quliyeva