Bir sıra xəstəxanaların adları dəyişdirildi - SİYAHI
- 2023.05.11 11:08
- 2078 Baxış
TƏBİB-in tabeliyində fəaliyyət göstərən Bakı Baş Səhiyyə Mərkəzinin strukturuna daxil edilən bir sıra tibb müəssisələrinin adları dəyişdirilib.
Mərkəzdən Medicina.az -a verilən məlumata görə, bir sıra tibb müəssisələrində ilkin səhiyyə xidmətinin optimallaşdırılması və təkmilləşdirilməsi məqsədilə tədbirlər davam etdirilir.
Həyata keçirilən yeniliklərə uyğun olaraq, 10-dan çox tibb müəssisəsinin adı bundan sonrakı fəaliyyət istiqamətinə əsasən yenidən formalaşdırılıb. Mərkəzin strukturuna daxil olan 8 nömrəli Şəhər Xəstəxanasının, 9, 12, 13, 15, 18, 22, 28, 31 və 32 nömrəli Birləşmiş Şəhər Xəstəxanalarının (BŞX), Zabrat və Zirə Müalicə Diaqnostika Mərkəzlərinin adları aşağıdakı şəkildə dəyişdirilib:
8 nömrəli Şəhər Xəstəxanası - Nardaran Sağlamlıq Mərkəzi
12 nömrəli BŞX – Suraxanı Sağlamlıq Mərkəzi
28 nömrəli BŞX – Bilgəh Sağlamlıq Mərkəzi
Zabrat Müalicə Diaqnostika Mərkəzi - Zabrat Sağlamlıq Mərkəzi
Zirə Müalicə Diaqnostika Mərkəzi - Zirə Sağlamlıq Mərkəzi
9 nömrəli BŞX – 41 nömrəli Şəhər Poliklinikası
13 nömrəli BŞX – 42 nömrəli Şəhər Poliklinikası
15 nömrəli BŞX – 43 nömrəli Şəhər Poliklinikası
18 nömrəli BŞX – 44 nömrəli Şəhər Poliklinikası
22 nömrəli BŞX – 14 nömrəli Şəhər Poliklinikası
31 nömrəli BŞX - 45 nömrəli Şəhər Poliklinikası
32 nömrəli BŞX – 46 nömrəli Şəhər Poliklinikası
Məlumat üçün bildirək ki, TƏBİB rəhbərliyinin göstərişinə əsasən, Mərkəzin tabeliyində olan bir sıra müəssisələrdə stasionar fəaliyyət dayandırılmaqla çarpayı fondu ləğv edilib və həmin müəssisələrdə ambulator- poliklinik xidmət gücləndirilib. Qeyd olunan tibb müəssisələrinin adlarındakı bu dəyişiklik məhz həmin qərara uyğunlaşdırılıb və yeni istiqamət müəyyənləşdirilib. Həyata keçirilən bu tədbirlər tibbi kadrlardan səmərəli istifadə, ikin səhiyyə xidməti müəssisələrinin iş yükünün azaldılması və ambulator xidmət keyfiyyətinin yüksəldilməsi məqsədi daşıyır.
Ən Çox Oxunanlar
Yeni Xəbərlər
