Bıçaq dəyəndə xərçəng bədənə yayılır – Həkimdən şok
- 2023.11.13 16:46
- 2641 Baxış
Uzun illərdir xərçəngə, şişə cərrah bıçağı dəydisə, o daha da yayılacaq fikri dolaşır. Şişin yayılması metastaz deməkdir. Onkoloq cərrahlar qətiyyətlə bu fikri inkar edir, onkoloji xəstənin əməliyyat mümkündürsə olunmasını vacib bilir.
“Medicina” xəbər verir ki, türkiyəli cərrah, professor Ünal Aydın bıçaq dəyəndə şişin yayıla biləcəyini təsdiq edib və bunun səbəbini açıqlayıb.
“Bütün cərrahların əksinə gedərək cavabım budur: bıçaq dəyərsə xərçəng yayılır.
Amma səbəbini bir soruşun. Orqan nəqli edən cərrahlar bilir ki, necə başqa bir adamın orqan və toxumasını digərinə köçürüb orda necə yaşatmaq mümkündürsə, bir orqanda olan xərçəng hüceyrələri bədənin başqa yerində tutunub qala bilir.
Əgər şiş əməliyyatı zamanı bıçağı şiş toxumasına çəkib, parçalayıb və toxunub, sonra o bıçağı digər yerlərə saga-sola sürtsəniz, orda olan hüceyrələr digər yerlərə keçib, orda yaşayıb, yeni şiş yarada bilər.
Dolayısı ilə bıçaq dəydiyində xərçəng yayılır o deməkdir ki, bıçaq xəstəyə deyil, xərçəngə dəyərsə yayılar. Ona görə cərrah bıçağı şiş toxumasına dəymədən əməliyyatlar uğurla icra edilməlidir.
Xərçəng cərrahiyyəsində bıçaq qupquru və təmiz olmalıdır”.
Aygün Musayeva
Ən Çox Oxunanlar
Yeni Xəbərlər
