Bəzən xəstələr koronadan yox, antibiotiklərdən ağırlaşır - Səhiyyə rəsmisi
- 2021.11.17 16:09
- 1533 Baxış
“Ümumdünya Səhiyyə Təşkilatının araşdırmasına görə koronavirusa yoluxan xəstələrdə antibiotikə ehtiyac 8 faizdir. Yəni 100 xəstədən 8-də antibiotikdən istifadə oluna bilər. Bu dərmanlardan lazımsız istifadə ağır hallara yol aça bilər. Hər həkim bu təyinatı edə bilməz”.
Medicina.az xəbər verir ki, bunu Səhiyyə Nazirliyinin mütəxəssis-eksperti, infeksionist Təyyar Eyvazov deyib.
O qeyd edib ki, COVID-19-a yoluxan xəstələrin 15-20 faizi xəstəliyi çox ağır, 5 faiz kritik keçirir. Qalanlarda isə xəstəlik yüngül və orta ağır keçir:
“Xəstələrin çoxunda ağciyərlərin zədələnməsi olmur. Hərarətsalıcı dərmanlardan istifadə olunur. Koronavirus xəstələrinin çoxu evdə müalicə olunur. Evdə müalicənin əsas qüsuru isə külli-miqdarda antibiotikdən istifadədir. Bəlkə də həmin xəstə antibiotiki qəbul etməsəydi, daha tez sağalacaqdı. Bəzən o qədər antibiotikdən istifadə olunur ki, xəstə xəstəxanaya gətiriləndə həkim bilmir ki, ona hansı növ antibiotikdən istifadə etsin”.
Ən Çox Oxunanlar
Yeni Xəbərlər
