Beyini cavanlaşdırmağın yolu tapıldı

2023.06.22 19:19
1549 Baxış

Negev Ben-Qurion Universitetinin alimləri müəyyən ediblər ki, Aralıq dənizi və ya digər pəhriz növləri vasitəsilə 1% arıqlamaq beynin qocalmasını ləngidə bilər.

“Medicina” xəbər verir ki, tədqiqatda elm adamları 102 iştirakçının beyin MRT müayinəsini tədqiq ediblər. Skanlar sınaq başlamazdan əvvəl və pəhrizin başlamasından 18 ay sonra yenidən çəkilib.

İştirakçılar üç pəhrizdən birinə riayət etdilər: qırmızı ət əvəzinə daha çox qoz-fındıq, balıq və toyuq olan Aralıq dənizi pəhrizi, əlavə polifenollar olan pəhriz və ya sağlam qidalanmanın ümumi prinsiplərinə əsaslanan pəhriz. Tədqiqat iştirakçıları orta hesabla təxminən 2,3 kq arıqladılar.

Tədqiqatçılar müəyyən bir pəhriz və ya sağlamlıq tövsiyələrinə əməl etdikdən sonra itirilən bədən çəkisinin hər 1%-i üçün iştirakçıların beyinlərinin 9 ay cavanlaşdığını müəyyən ediblər.

Alimlərin sözlərinə görə, beyin sağlamlığı daha az işlənmiş qidalar, şirniyyatlar və içkilərdən uzaq durmaqdan asılıdır.

Beyindəki struktur dəyişikliklərinin əslində, onun fəaliyyətinin yaxşılaşmasına səbəb olub-olmadığı hələ də məlum deyil.

Beyin, elm adamlarının yalnız bu yaxınlarda xəritəsini tərtib etməyə başladığı çevik mürəkkəb bir şəbəkədir.

Bununla belə, son tədqiqatlar Aralıq dənizi pəhrizinin yaşlı yetkinlərdə yaddaşa müsbət təsir etdiyini göstərib.

Aynurə Məmmədova