Bəhram Bağırzadənin müalicəsində dəyişiklik - Həkimdən açıqlama
- 2020.07.06 11:08
- 2580 Baxış
"Bəhram Bağırzadənin ümumi vəziyyəti ağır olaraq qalır".
Bu barədə "BakuPost"a Mərkəzi Gömrük Hospitalının rəisinin müalicə işləri üzrə müavini Bəxtiyar Musayev məlumat verib. Həkimin sözlərinə görə, onun huşu aydındır və tənəffüsü süni ventilyasiya aparatı vasitəsilədir.
"Bu gün aparılan rentgen müayinəsi zamanı ağciyərlərinvəziyyətində əhəmiyyətli dərəcədə yaxşılaşma qeydə alınıb. Hazırda ilk plana ikincili bakterial infeksiya qoşulması ilə mübarizə çıxır. Bununla bağlı müvafiq təyinatlarda dəyişikliklər aparılıb".
Xatırladaq ki, B.Bağırzadə vəziyyətinin kəskin pisləşməsi səbəbindən müalicə olunduğu xəstəxanadan 13 iyun 2020-ci il tarixində Mərkəzi Gömrük Hospitalının reanimasiya şöbəsinə köçürülüb. Ağciyər toxumasının 90 faizindən çoxunun zədələnməsi səbəbindən EKMO cihazına qoşulub.
Bir neçə gün öncə o adıçəkilən cihazdan ayrılıb.
Dövlət Gömrük Komitəsi Tibbi Xidmət İdarəsinin “Elmi Təcrübi və Tədris Mərkəzi”nin rəisi Dr. Rəşad Mahmudov onun dərmanlar vasitəsilə dərin koma vəziyyətində yatızdırıldığını, hələ ki, komadan oyandırılması cəhdi düşünülmədiyini demişdi.
Lakin bundna bir gün sonra aktyorun həyat yoldaşı onun ayıldığını, huşunun özündə olduğunu bildirib.
Ən Çox Oxunanlar
Yeni Xəbərlər
