Bəhram Bağırzadə evə buraxıldı - FOTO
- 2020.07.27 17:23
- 2727 Baxış
Koronavirus müalicəsi alan Bəhram Bağırzadə bu gün evə buraxılıb.
Bu barədə məlumat medicina.az-a əməkdar artistin müalicə edildiyi Mərkəzi Gömrük Hospitalından verilib. Məlumatda qeyd edilir ki, xəstə aktivdir, şikayəti yoxdur.
"Bu gün hospitalın həkimlərinin konsiliumunun qərarı ilə Bəhram Bağırzadə bundan sonra həkim-infeksionistin ambulator nəzarəti altında olmaq şərtilə evə buraxılıb. Mərkəzi Gömrük Hospitalının kollektivi əməkdar artistə tezliklə tam sağalmağı arzulayır".
Xatırladaq ki, daha əvvəl koronavirus xəstəliyindən müalicə olunduğu xəstəxanadan iyunun 13-də Mərkəzi Gömrük Hospitalının Reanimasiya şöbəsinə köçürülən əməkdar artist Bəhram Bağırzadənin ağciyər toxumasının 90%-dən çox zədələndiyi məlum olmuşdu. Mərkəzi Gömrük Hospitalının cərrahları və reanimatoloqları təcili olaraq gecə konsilium keçirib və xəstənin ECMO cihazına qoşulmasına qərar vermişdi. Xəstənin ECMO cihazına qoşulması əməliyyatından sonra onun vəziyyəti nisbətən stabilləşmiş və saturasiya 95 faizə qədər yüksəlmişdi. Iyulun 2-də ECMO-dan ayrılıb.
Ən Çox Oxunanlar
Yeni Xəbərlər
