Bədəndə və başda soyuq tər – Səbəbləri
- 2025.04.01 18:53
- 405 Baxış
Soyuq tər basması hormonal dalğalanmalar, şəkərli diabet və infeksiyalar səbəbindən mümkündür.
Tərləmə insan bədəninin normal fizioloji reaksiyasıdır, lakin bəzən o, qəfil, soyuq və yapışqanlı ola bilər.
“Medicina” xəbər verir ki, endokrinoloq Antonina Gureevanın sözlərinə görə, soyuq tər bədəndəki müxtəlif pozğunluqlar və patologiyalar bu şəkildə özünü göstərə bilər.
“Gecələr tez-tez soyuq tərlə qarşılaşırsınız? Bundan sonra səhər özünüzü yorğun və halsız hiss edə bilərsiniz.
Bu vəziyyət orqanizmdə baş verən hormonal dəyişikliklər (məsələn, qadınlarda menstruasiya, menopoz və ya hamiləlik dövründə, kişilərdə isə andropoz zamanı baş verənlər) səbəbindən ola bilər.
Hormonların səbəb olduğu gecə tərləmələri əsasən qadınlar üçün problemdir və bununla bağlı edə biləcəyiniz çox az şey var. Gözəl ilıq duş və ya bəzi bitki çayları (məsələn, çobanyastığı) gecə tərləmələrinin narahatlığını bir qədər yüngülləşdirə bilər.
Şəkər xəstələri soyuq təri bədəndən ciddi bir siqnal kimi qəbul etməlidirlər. Onlar üçün bu, qanda şəkərin səviyyəsinin kəskin şəkildə aşağı düşməsi və hipoqlikemiyanın baş verməsi deməkdir. Adətən soyuq tər alnında, boyunda və kürəkdə çox görünür.
Zəiflik, titrəmə, başgicəllənmə, sürətli ürək döyüntüsü və solğunluq da baş verə bilər. Belə simptomlar görünsə, qan şəkərinin səviyyəsini ölçməli və əhəmiyyətli dərəcədə aşağı düşərsə, insana sürətli karbohidratlar verin: şəkər, bal, konfet və ya şirin içki. Siz həmçinin həkimə müraciət etməlisiz.
Diqqət edin: Qeyri-diabet xəstələri də bir sıra səbəblərdən (məsələn, yeməklər arasında uzun müddət fasilə, karbohidratsız pəhriz yemək və ya çox yorğun olmaq) hipoqlikemiyadan əziyyət çəkə bilərlər. Diabet diaqnozu qoyulmamış bir şəxs təkrarlanan hipoqlikemiya yaşamağa başlayırsa, o, həkimə müraciət etməli və vəziyyəti yoxlamalıdır.
Soyuq tərin səbəbi infeksiyalar ola bilər (o cümlədən, qrip və çoxsaylı mövsümi viruslarla yoluxma, həmişə kəskin respirator virus infeksiyalarının tipik simptomlarına səbəb olmur, lakin məsələn, soyuq tər kimi özünü göstərə bilər).
Soyuq tər də endokarditi, soyuqdəymə və ya qripdən sonra baş verə bilən ürəyin daxili qişasının iltihabını göstərə bilər.
Kəskin respirator virus infeksiyasından sonra tam sağalmaq əvəzinə tərləmənin artması, halsızlıq, süstlük, baş ağrıları, limfa düyünlərinin böyüməsi hiss etməyə başlasanız, mütləq həkimə müraciət etməlisiniz.
Həddindən artıq soyuq tərləmə, həmçinin alkoqol və nikotin də daxil olmaqla, asılılıq yaradan maddədən qəfil çəkilməni göstərə bilər. Bu zaman üşütmə ilə müşayiət olunan tərləmə həm gündüz, həm də gecə baş verə bilər”.
Aygün Musayeva
Ən Çox Oxunanlar
Yeni Xəbərlər
