Bayram günlərində "Semaşko"ya neçə xəstə müraciət edib
- 2022.01.05 14:44
- 1671 Baxış
“Bayram günlərində (31 dekabrdan 5 yanvaradək) Kliniki Tibbi Mərkəzə zəhərlənmə şübhəsi ilə bağlı 142 müraciət daxil olub”.
Medicina.az xəbər verir ki, bu barədə oxu.Az-ın sorğusuna cavab olaraq Mərkəzin İctimaiyyətlə əlaqələr bölməsinin müdiri Elnur Hidayətoğlu məlumat verib.
Mərkəzin Mətbuat xidmətindən verilən məlumata görə, müraciət edənlərdən 13 nəfərin vəziyyəti ağır olduğu üçün mərkəzin Toksikologiya şöbəsinə yerləşdirilib, 129 nəfərə isə ilkin tibbi yardım göstərilərək evə buraxılıb.
Xəstəxanaya yerləşdirilən 13 nəfərdən (5 qadın, 3 kişi, 5 uşaq) 5-i dəm qazından, 3-ü dərmandan, 1-i sirkə turşusundan, 2-si allergiya səbəbindən, 2-si etanol spirtindən zəhərlənib. Həkimlərin səylərinə baxmayaraq, onlardan birinin (qadın) həyatını xilas etmək mümkün olmayıb.
İlkin tibbi yardım göstərilərək evə buraxılan 129 nəfərdən 28-i dəm qazı, 13-ü dərman, 33-ü alkoqollu içki, 9-u göbələk, 9-u allergiya, 1-i əqrəb sancması səbəbi ilə müraciət edib.
Müraciət edən digər 36 nəfərdə isə zəhərlənmə faktı qeydə alınmayıb.
Ən Çox Oxunanlar
Yeni Xəbərlər
