Baş həkim deputat oldu
- 2020.02.10 17:14
- 2805 Baxış
Yeni Azərbaycan Partiyasının (YAP) 44 saylı Sumqayıt-Xızı seçki dairəsindən deputatlığa namizədi Müşfiq Məmmədli Mərkəzi Seçki Komissiyasının açıqladığı nəticələrə əsasən deputat seçilib.
MSK-dan açıqlanan nəticələrə görə, 44 saylı Sumqayıt-Xızı seçki dairəsinin 47 məntəqə seçki komissiyasının hamısından daxil olan protokollara əsasən Müşfiq Məmmədli 45,8 faiz nəticə ilə Milli Məclisin deputatı seçilib.
Medicina.az xəbər verir ki, Müşfiq Məmmədli 1972-ci il avqustun 1-də Sumqayıtda anadan olub. 1989-cu ildə Sumqayıt şəhər 25 saylı tam orta məktəbi bitirib. 1989-cu ildən 1990-cı ilə qədər 1 saylı Kliniki Tibbi Mərkəzdə (Semaşko) sanitar işləyib. 1990-1996-cı illər ərzində Azərbaycan Tibb Universitetinin Pediatriya fakültəsində təhsil alıb. 2006-cı ildən 2014-cü ilə qədər Təcili Tibbi yardım stansiyasının, daha sonra isə Sumqayıt Uşaq xəstəxanasının həkimi işləyib. 2015-2016-cı illərdə Uşaq xəstəxanasının pediatriya şöbəsinin müdiri, 2016-cı ildən isə xəstəxananın baş həkimidir.
Qeyd edək ki, M.Məmmədli 2013-2015-ci illər ərzində Rusiyanın Sankt-Peterburq İqtisad Universitetinin Ali İqtisad Məktəbində MBA proqramı çərçivəsində "Səhiyyə təşkilatlarının menecmenti" ixtisasına da yiyələnib. 2016-cı ildən isə Rusiya Pediatrlar İttifaqının üzvüdür. Ailəlidir 3 övladı var.
2006-cı ildən Yeni Azərbaycan Partiyasının üzvüdür.
Ən Çox Oxunanlar
Yeni Xəbərlər
