Balacaboy insanlar daha çətin arıqlayır
- 2025.02.14 15:08
- 319 Baxış
Qısa boylu insanların arıqlaması uzun boylu insanlara nisbətən daha çətindir. Mütəxəssislər bunun nə ilə əlaqəli olduğunu izah ediblər.
“Medicina” xəbər verir ki, Artıq çəkidən xilas olmaq özü də asan məsələ deyil. Uzun boylu insanlarla eyni sağlamlıq və fəaliyyət səviyyələrinə malik olan qısa boylu insanların artıq çəki itirmə ehtimalı əhəmiyyətli dərəcədə azdır.
Onlar arıqlamaq üçün daha az kalori istehlak etməlidirlər. İlk baxışdan bu absurd görünsə də, bunun məntiqi var. Çünki bir insanın əzələ kütləsi nə qədər çox olarsa, metabolizm sürəti bir o qədər yüksək olar. Və artıq kalorilərin yanma dərəcəsi bu göstəricidən asılıdır.
Uzun boylu insanların əzələləri daha çox olur. Qısa boylu insanlar isə nəinki az yemək yeməli, həm də yandırılan kalorilərin sayına təsir edən digər amilləri də nəzərə almalıdırlar. Bunlara məşq, yuxu və hormonlar daxildir.
Düzgün qidalanmaq və mütəmadi olaraq məşq etmək, maddələr mübadiləsi sürətinizi istədiyiniz nəticəni verəcək səviyyəyə çatdırmağa kömək edə bilər. Nəzərə alın ki, qısaboylu insanlar uzunboylu insanlarla eyni məşqləri yerinə yetirərək eyni miqdarda kalori yandıra bilərlər.
Amma qısa boylu insanın hansı məşqi etməsi böyük əhəmiyyət kəsb edir. O, daha çox əzələ kütləsi qazanmağa və daha çox kalori yandırmağa imkan verən güc təliminə diqqət yetirsə daha yaxşıdır. Yeri gəlmişkən, qısaboylu kişilər çox gözəl əzələli bədənə daha tez sahib olurlar.
Aygün Musayeva
Ən Çox Oxunanlar
Yeni Xəbərlər
