Bakıda vəziyyəti pisləşən türkiyəli deputat İstanbula göndərilib
- 2018.03.19 11:34
- 9396 Baxış
VI Qlobal Bakı Forumunda anidən vəziyyəti pisləşən MHP-li deputat, İslam Əməkdaşlıq Təşkilatının sabiq baş katibi Ekmeleddin İhsanoğlu evə buraxılıb.
Medicina.az xəbər verir ki, bu haqda Oxu.az-a Azərbaycanın Diasporla iş üzrə Dövlət komitəsinin sədr müavini Valeh Hacıyev məlumat verib.
O bildirib ki, E.İhsanoğlu ötən gün günorta saatlarında Türkiyəyə yola salınıb:
"Ekmeleddin İhsanoğlu dünən günorta saatlarında xəstəxanadan buraxılıb və Türkiyəyə yola salınıb. Səhhəti tam normaldır və gedərkən Azərbaycan səhiyyəsindən, dövlətimizin ona burada göstərdiyi qayğıdan razı olduğunu deyərək, təşəkkür edib”.
Qeyd edək ki, Diasporla İş üzrə Dövlət Komitəsi və Nizami Gəncəvi Beynəlxalq Mərkəzi tərəfindən təşkil olunmuş VI Qlobal Bakı Forumunun "Regional təhlükəsizlik, regional sülh: Orta Şərq” adlı panelində anidən halı pisləşən türkiyəli deputat Ekmeleddin İhsanoğlu Mərkəzi Klinik Xəstəxanaya yerləşdirilmişdi.
Ən Çox Oxunanlar
Yeni Xəbərlər
