“Azərbaycanda yoluxma ən aşağı səviyyəyə düşüb” - İlham Əliyev
- 2022.06.16 19:42
- 2236 Baxış
Azərbaycan Prezidenti İlham Əliyev COVID-19-a qarşı mübarizə aparılmasına dair dövlət siyasətinin vətəndaşlar tərəfindən böyük etimadla qarşılandığını bildirib.
Medicina.az xəbər verir ki, bu barədə dövlət başçısı iyunun 16-da Ümumdünya Səhiyyə Təşkilatının Baş direktoru Tedros Adhanom Qebreyesusu qəbul edən zaman deyib.
Prezident İlham Əliyev əhalinin pandemiya ilə mübarizə qaydalarına riayət etməsini məmnunluqla bildirib. Dövlət başçısı Azərbaycanda COVID-19 ilə bağlı vəziyyətin çox yaxşı olduğunu, yoluxma sayının ən aşağı səviyyəyə düşdüyünü, vəziyyətin tam nəzarətdə saxlanıldığını, əksər məhdudiyyətlərin aradan qaldırıldığını və normal həyata qayıdıldığını qeyd edib.
Azərbaycan Prezidenti işğaldan azad olunmuş ərazilərimizdə səhiyyə infrastrukturunun qurulması layihələri ilə əlaqədar Ümumdünya Səhiyyə Təşkilatı ilə Azərbaycan arasında əməkdaşlığın vacibliyini qeyd edib.
Ən Çox Oxunanlar
Yeni Xəbərlər
