Azərbaycanda yodun qiyməti qalxdı
- 2022.11.04 15:04
- 5577 Baxış
Azərbaycanda yodun qiyməti kəskin artıb.
“Medicina" xəbər verir ki, , əvvəllər 40-50 qəpiyə satılan yod hazırda 1,20 manatadır.
Məsələni dəqiqləşdirmək üçün Bakıda yerləşən bir neçə iri aptek şəbəkəsinə müraciət etdik. Apteklərdən bəzilərində yodun hələ də 40 qəpiyə satıldığı deyilsə də, digərlərində qiymətin artıq 1 manat 19 qəpiyə qaldırıldığı bildirildi.
Məlumat üçün bildirək ki, Tarif (qiymət) Şurasının 26 oktyabrda keçirilən iclasında yeni dövlət qeydiyyatına alınan 76 dərman vasitəsinin qiyməti təsdiq edilib. Həmin siyahıda yod da əlavə olunub. Bu siyahıda bir neçə ölkə istehsalı olan yod var.
Ancaq hazırda apteklərdə satışda olan əsasən Rusiyanın Yaroslav əczaçılıq fabrikinin 5 faizli 10 ml olan məhsuludur. Onun pərakəndə qiyməti oktyabrın 31-dən 1,19 manat müəyyən edilib.
Tarif Şurasının siyahısında olan qiymətlərdən biri dərmanların topdan, digəri pərakəndə satış qiymətidir. Məsələn, aptek yodu 0,99 manata alıb, 1,19 manata satmalıdır.
Aygün M.
Ən Çox Oxunanlar
Yeni Xəbərlər
Yodun apteklərdən yoxa çıxması hakimiyyətin növbəti bahalıq kompaniyası ilə bitdi.Nəqliyyatda sərnişinlərin daşınmasında müvəqqəti dayanan dövlət tamahını yodun üstünə yüklədi..