Azərbaycanda surroqat ana olmaq istəyənlər haqqında AÇIQLAMA
- 2019.07.05 10:30
- 5030 Baxış
"Azərbaycanda surroqat ana olmaq üçün klinikalara müraciət edənlər çox olsa da, bu məsələ "Reproduktiv sağlamlıq və ailə planlaşdırılması haqqında" Qanun layihəsindən çıxardılıb. Buna səbəb surroqat ana məsələsinin genetik baxımdan gələcəkdə problemlərə yol açması və mentalitetimizə zidd olmasıdır".
Medicina.az xəbər verir ki, bu sözləri Sputnik Azərbaycan-a açıqlamasında Milli Məclisin Səhiyyə Komitəsinin üzvü, deputat Kamilə Əliyeva söyləyib. O bildirib ki, Azərbaycanda sonsuzluq probleminin qarşısının alınması üçün süni mayalanma həyata keçirilir:
"Artıq qadınlarımız ana olmaq üçün süni mayalanma etdirmək məqsədilə xarici ölkələrə üz tutmurlar. Bu gün Azərbaycanda süni mayalanmanı həyata keçirən kifayət qədər klinika var. Amma surroqat ana məsələsinə "Reproduktiv sağlamlıq və ailə planlaşdırılması haqqında" Qanun layihəsində birdəfəlik son qoyulub".
K. Əliyeva bildirib ki, illərdir ki, müzakirəsi yubanan qanun layihəsinin qəbulu bu ilin payız sessiyasında, yəqin ki, qəbul olunacaq:
"Artıq qanun layihəsi, demək olar ki, tam hazırdır. 5-ci çağırış parlament seçkiləri öz işini bu il başa vurduğundan, qanun bu payız sessiyasında, çox güman ki, yenidən müzakirəyə çıxardılaraq qəbul olunacaq".
Ən Çox Oxunanlar
Yeni Xəbərlər
