Azərbaycanda reanimatoloq həkim komaya düşdü - Ürəyi 10 dəfə dayanıb - AÇIQLAMA
- 2021.03.05 16:41
- 41163 Baxış
Azərbaycanda tanınmış reanimatoloq-anestezioloqlardan biri, yüzlərlə xəstəni ölümdən xilas edən həkim Gündüz Qasımov 15 gün əvvəl komaya düşüb.
Medicina.az-da yayımlanmış xeyirxah addımı ilə bağlı məqalədən və effektiv müalicələrinə görə “möcüzə doktor” kimi tanınan Gündüz Qasımovun fevral ayının 16-da vəziyyəti qəfil pisləşdiyindən, boğulma və tənəffüs çatışmazlığı ilə Bakıdakı özəl klinikalardan birinə çatdırılır.
Dərhal müayinə olunan həkimdə kəskin qanazlığı, kəskin tənəffüs çatışmazlığı təsdiqlənir və intubasiya olunaraq süni tənəffüs aparatına qoşulub. Ürəyində əməliyyat aparılaraq, damarları tutan tromblar təmizlənir. Ümumilikdə 10 dəfə ürək dayanması baş verib. Ürəyi yenidən elektroşokla çalışdırıblar.
8 gün sonra komadan ayılan həkimin yenidən vəziyyəti ağırlaşır və KT müayinəsi böyrəyin birinin hematomadan zədələndiyini görüblər. Ölüm-dirim savaşında olan xəstəni təcili əməliyyata alıb, bir böyrəyini çıxarmaq məcburiyyətində qalınıb.
Daha sonra reanimasiyaya yerləşdirilən Gündüz Qasımov bir həftə də kritik müşahidə altında qaldıqdan sonra nəhayət ki,
2 gün öncə süni tənəffüs aparatından ayrılıb palataya köçürülüb, vəziyyəti stabildir.
Medicina.az –a açıqlamasında Gündüz Qasımov bu vəziyyətə düşməsinin səbəbini virus pnevmoniyasından qaynaqlandığını bildirib.
“Yanvarın əvvəlindən pnevmoniya oldum, davamlı qızdırma. Koronavirusa görə analizlərim, KT müayinəm neqativ çıxdı. Ola bilsin, sadəcə ağır pnevmoniya idi. Ondan sonra 2 ay tərləmələrim oldu. Bədəndən kaliy yuyulub getdi, normal maye qəbul etmədiyim üçün tromb əmələ gəldi. Bu da qanı parçalayıb, qanın faizi kəskin düşüb. Burdan da kəskin tənəffüs çatışmazlığı yaratdı.
Gecə ilə kardioloji reanimasiyanın müdiri Firdovsi İbrahimov doktor məni belə deyək ölümün caynağından aldı. Ürək damarlarımda trombları çıxartdılar. Kaliy balansı tez düzəlmədiyi üçün tromblaşma fəsadını göstərirdi.
Ürəyin dayanması baş verəndə komaya düşmüşəm. Şükür Allaha ki, reanimasion tədbirlər effektli oldu. Sanki ikinci dəfə dünyaya gəldim.
Amma tromblardan biri böyrəyi sıradan çıxardı. İndi də həkimlər çalışır ki, tromblar həyati vacib orqanları sıradan çıxarmasın, bir daha vəziyyətim ağırlaşmasın.
Klinkanın kardioreanimasiya şöbəsinin müdiri Firdovsi İbrahimov, reanimasiya şöbə müdiri Vüqar Abdulkərimov, invaziv radioloq İlqar Allahverdiyev, reanimasiyanın həkimləri Günay və Gülana xanım kimi kolleqalarım məni ölümün caynağından xilas etdilər. Böyrək əməliyyatımı edən uzman uroloq cərrah Elbəyi Daşdəmirov və Eldar Abbasova da minnətdarlığımı bildirirəm.
İlk gündən bu oeşəakar həkimlərə güvəndim və indi də güvənirəm. Allah məni yaxınlarım, əzizlərin, dostların dualarına xatir yenidən həyata qaytardı. Həyat tərsinə dönür, bir vaxtlar xəstələrim üçün bir reanimatoloq kimi etdiyim bütün tibbi yardım və tədbirləri özüm yaşadım”.
Yaxın günlərdə Gündüz Qasımovun reanimatoloq kimi fəliyyəti dövründə klinik ölüm keçirmiş insanların nə yaşadıqları barədə silsilə qeydlərini dərc edəcəyik. Həkim ölümdən sonrakı həyatla bağlı real xəstələrin fikirlərini illərdir qeyd edərək, gələcəkdə kitabça kimi dərc etmək arzusundadır.
Ən Çox Oxunanlar
Yeni Xəbərlər
Şükürlər olsun, allah qoruyub. Sən dünyanın ən mükəmməl həkimisən...
Allah şəfa versin.
Allah şəfa versin.
Allah şəfa versin!Amin!
Qurban olduğum Allah sizə və nə qədər sizin kimi qeyrətli insanlarımız var hamısına can sağlığı uzun ömür versin İNŞAALLAH.
ALLAH şəfa versin
Allah şàfa versin.Allah ailànà balalarına baqışlasın..
Allah şəfa versin.
Allah qorusun sizi
Allah kömək olsun sizə
Göydə Allah, yerdə həkimlərimizin köməyi ilə qurtularsan bu bəladan inşəAllah. Allah tezliklə şəfanı versin. Amin
Allah köməyiniz olsun.Allah şəfa versin
Çox dəyərli kolleqamız, tezliklə işinizin başına qayıdasınız! Dualarımız sizinlədir!
Gunduz qardawim sene Allahtala hemiwe komek olsun.sen deyerli qardawsan cox savadli hekimsen yuzlerle xesteleri saqaltmisan buna men wahidem.Allahtala hemiwe seni qorusun amin
Allah komek olsun