"Azərbaycanda qrip virusu yoxdur" - Terapevtdən açıqlama
- 2017.11.29 16:25
- 18504 Baxış
Azərbaycanda qrip epidemiyasının yayılması barədə yayılan məlumatlar əsassızdır.
Medicina.az xəbər verir ki, bunu oxu.az-a açıqlamasında respublikanın baş terapevti Yaqub Qurbanov deyib.
Onun sözlərinə görə, soyuqdəymə kimi xarakterizə olunan bu xəstəlik fəsil dəyişikliyi ilə bağlıdır.
"Fəsildən fəslə keçəndə insan orqanizminin müqaviməti ona uyğunlaşır. Bəzi adamlarda bu uyğunlaşma getmir. Müdafiə qüvvəsi zəifləyir. Bu zaman insanda soyuqdəymə, temperaturun yüksəlməsi baş verir. Bəzən bunu virus da adlandırırlar”.
Baş terapevt belə hallar müşahidə olunduqda həkimə müraciət olunmasını məsləhət görür. Yaqub Qurbanov soyuqdəyməyə yoluxanların antibiotikdən istifadəsini düzgün saymır.
"Antibiotiklərdən istifadə belə hallarda həmişə səmərəli olmur və bəzən də ağırlaşmalara səbəb olur. Hazırda Azərbaycanda hər hansı qrip epidemiyası müşahidə olunmur və belə təhlükə gözlənilmir”.
Qeyd edək ki, son günlər havaların soyuq keçməsi nəticəsində qripə yoluxanların sayı artıb.
Bu isə əhali arasında epidemiyanın yayılması ilə bağlı narahatlığa yol açıb.
Ən Çox Oxunanlar
Yeni Xəbərlər
