Azərbaycan ordusunun zabiti xərçəngdən vəfat etdi
- 2022.04.29 15:07
- 3621 Baxış
Azərbaycanda hərbçi xərçəng xəstəliyindən vəfat edib.
Medicina.az xəbər verir ki, baş leytenant Aydın Həzrətov uzun sürən xəstəlikdən sonra dünyasını dəyişib.
Onun vəfatı barədə qardaşı İslam Həzrətov məlumat verib.
Qardaşının sözlərinə görə, A.Həzrətov 2016-cı ilin Aprel döyüşlərinin iştirakçısı olub.
O, Aprel döyüşləri zamanı leytenant rütbəsi ilə hava hücumundan müdafiə üzrə tağım komandiri olub. Tərtərdə gedən döyüşlər zamanı mərmi partlaması nəticəsində zərbə dalğasından xəsarət alıb, ancaq xidmətini davam etdirib.
Hərbçiyə müharibədən sonra baş leytenant rütbəsi verilib. 2020-ci ildə müayinə zamanı beynində bədxassəli şiş aşkarlanıb. Müalicə olunsa da, onun həyatını xilas etmək mümkün olmayıb.
Ən Çox Oxunanlar
Yeni Xəbərlər
