Uzun ömrün sirri olan antioksidant: Qlutatyon haqda bilmədikləriniz
- 2024.07.17 21:53
- 1268 Baxış
Sağlam və uzun həyat axtarışında olanlar son zamanlar ən güclü antioksidantlardan birinə fokuslanıblar.
Qlutatyon orqanizmdə təbii olaraq mövcuddur. Əgər kifayət qədər miqdarda olarsa immuniteti gücləndirir və xəstəliklərlə mübarizə aparır.
Medicina.az xəbər verir ki, Dr. Rüştü Vural qlutatyonun sağlamlığa verdiyi töhfələrdən danışıb.
"Qlutatyon və digər antioksidantlar sağlamlığınızın qorunmasında və yaxşılaşdırılmasında mühüm rol oynayır. Antioksidantlar sərbəst radikalların orqanizmdə yaratdığı zərəri azaldan molekullardır. Bunlar azalarsa, hüceyrələr zədələnir və xroniki xəstəliklər yaranır.Antioksidantlar zərərli təsirləri neytrallaşdıraraq hüceyrə sağlamlığını qoruyur”, - deyə həkim bildirib.
O qeyd edib ki, qlutatyonla yanaşı, C vitamini, E vitamini, beta-karoten və selen kimi digər antioksidantlar da bu baxımdan mühüm rol oynayır.
“Qlutatyon bədənimizdə təbii olaraq mövcuddur və hüceyrələrdə enerji istehsalı zamanı meydana gələn sərbəst radikallar adlanan zəhərli maddələrin vurduğu zədələri bərpa edərək immunitet sistemini dəstəkləyir. Bu antioksidant zəhərli maddələrin bədəndən təmizlənməsi proseslərinə kömək edir. Adekvat qlutatyon səviyyələri orqanizmin xəstəliyə müqavimət göstərməsinə və ümumi sağlamlığın qorunmasına kömək edir”, - mütəxəssis qeyd edib.
Onun sözlərinə görə, qlutatyon və digər antioksidantlar müxtəlif yollarla bədənə daxil ola bilərlər:
“Qidalar: ispanaq, brokoli, avokado, portağal, çiyələk qlutatyon səviyyəsini artıra bilər.
Əlavələr: qlutatyon və digər antioksidant əlavələrdən bədənin ehtiyac duyduğu antioksidantları təmin etmək üçün istifadə edilə bilər. Bununla belə, bu cür əlavələr yalnız həkiminizin uyğun hesab etdiyi halda qəbul edilməlidir.
Venadaxili vasitələr: qlutatyonun birbaşa venadaxili tətbiqi bədəndə daha yüksək səviyyələrdə antioksidant təmin etmək üçün effektiv üsuldur. Bu müalicə xüsusilə güclü stress altında olan insanlar üçün faydalı ola bilər. Ancaq qeyd etməliyəm ki, bu müalicəni yalnız həkiminiz uyğun hesab etdikdə həyata keçirməlisiniz”.
Dr. Vural qlutatyonun ən mühüm faydalarını aşağıdakı kimi sıralayıb:
İmmunitet sistemini dəstəkləyir: qlutatyon və digər antioksidantlar immunitet sistemini gücləndirir, infeksiyalara və xəstəliklərə qarşı müqaviməti artırır.
Detoksifikasiya: zəhərli maddələrin orqanizmdən təmizlənməsi deməkdir. Qlutatyon qaraciyərin zəhərləri zərərsizləşdirmək qabiliyyətini artıraraq detoksifikasiya proseslərini dəstəkləyir.
Dəri sağlamlığı: antioksidantlar yaşlanma əlamətlərini azalda bilər.
Xroniki xəstəliklərin qarşısının alınması: antioksidantlar ürək xəstəlikləri, xərçəng, qaraciyər xəstəlikləri və nevroloji xəstəliklər zamanı köməkçi vasitə kimi istifadə edilə bilər.
Aysel
Ən Çox Oxunanlar
Yeni Xəbərlər
