Artıq çəki ömrü qısaldır - Köklük problemi ciddiləşir
- 2017.12.21 15:53
- 31290 Baxış
Artıq çəki problemi orta yaş dövrlərində daha çox nəzərə çarpır. Uşaq vaxtı sadə görünən məsələ zamanla çox ciddi xoşagəlməz nəticələrə səbəb ola bilər. Hazırda artıq çəkidən əziyyət çəkən insanlara tez-tez rast gəlinir. Statistik məlumatlara görə, Azərbaycanda reproduktiv yaş həddində olan qadınların 30-60 %-i artıq çəkidən, 25-27%-i isə piylənmədən əziyyət çəkir.
Medicina.az xəbər verir ki, Modern.az-a açıqlama verən tibb elmləri doktoru, professor Adil Qeybulla qeyd edib ki, artıq çəkinin əsas yaranma səbəbi qeyri-düzgün qidalanma və qeyri-normal həyat tərzidir.
"Artıq çəki günümüzün ən böyük problemlərindən biri olmaqda davam edir. Müxtəlif xəstəliklər də artıq çəkiyə gətirib çıxara bilər. Amma ən əsas faktor qidalanma ilə bağlıdır. Əsasən də günün ikinci yarısında çox qida qəbul edərək, az hərəkət edirlər. Bu da qəbul olunan qidanın kolorisinin bədəndə depolaşmasına səbəb olur, nəticədə tədricən çəki artmağa başlayır. Mədənin ölçüsü böyüyərək daha çox kolori tələb edir. Getdikcə artan bu kolori nəticədə qüsurlu bir dövran yaradır. Bir tərəfdən orqanizmə ciddi kolori tələb olunur , digər tərəfdən hərəkət az olduğu üçün çəki artımını sürətləndirir”.
Artıq çəkini yaradan səbəblərdən biri də stress və yorğunluqdur ki, bu əsasən qadınlar arasında artıq çəkiyə səbəb olur. Çünki qadınlar, adətən, narahatlıq səbəbindən daha çox qida qəbul edirlər. Və tədricən düzgün qida rejimindən yayınır, gecələr çox yeməyə üstünlük verirlər. Məlum olduğu kimi qadınların və kişilərin stress faktoruna münasibətləri müxtəlifdir. Kişilər arasında streslə yaranan artıq çəki problemi ona görə təsadüfən rast gəlinir ki, kişilərin əksəriyyəti siqaret çəkir. Qəbul edilən nikotin orqanizmdəki kolorini sağlam şəkildə xaric etmir, əksinə kalori parçalanır və orqanizm kolorini qəbul etməkdə çətinlik çəkir.
Bədənimizdə enerjini yaradan yağlar, zülallar və karbohidratlardır. Bunlardan da ən kalorili olanı yağlardır: onlar karbohidrat və zülallardan iki dəfə artıq enerji daşıyırlar.
Adil Qeybullanın sözlərinə görə, artıq çəki ömrü qısaldır.
"Artıq çəki şəkərli diabet, ürək-damar xəstəlikləri üçün təhlükəli hesab olunur. Bu həm də ömrün uzunluğuna neqativ təsir edir. Müxtəlif prosslərin daha erkən baş verməsinə gətirib çıxarır, əmək qabiliyyətini aşağı salır və s.”
Artıq çəkinin müalicəsi üçün hər-hansısa dərman müalicəsi həmişə yüksək effekt vermir. Və bununla hər kəs arzu etdiyi çəkiyə də sahib ola bilmir. Bunun üçün ən asan üsul kimi daimi velosiped sürmək, açıq havada yürümək göstərilir.
"Artıq çəkidən xilas olmaq üçün düzgün qidalanma, çox hərəkət etmək, idmana fikir verməklə (ən azından qaçış, gəzinti və s) daxil olan kolori ilə bədəndən xaric olunan kalorini nizamlamaq lazımdır. Bizim şadlıq evlərində , restoranlarda da şam yeməyi vaxtı insanların çox olması sübutdur ki, günün ikinci yarısında çox yemək qəbul edirlər və bunu bir növ həyat tərzlərinə çevirirlər”.
Ən Çox Oxunanlar
Yeni Xəbərlər
