Apteklərdə “Nurofen” niyə tapılmır? - Açıqlama
- 2022.11.12 10:08
- 5191 Baxış
“Qafqazinfo” xəbər verir ki, vətəndaşların sözlərinə görə, daha çox bu mövsümdə artan soyuqdəymə hallarında lazım olan "Nurofen" uzun müddətdir ki, apteklərdə tapılmır.
Bakıda yerləşən bir neçə iri aptek şəbəkəsindən verilən məlumatda da bu preparatın artıq satış üçün gətirilmədiyi təsdiqləndi. Nə vaxt gətiriləcəyi ilə bağlı da bir məlumatın olmadığı bildirildi.
Səhiyyə Nazirliyinin Analitik Ekspertiza Mərkəzinin ctimaiyyətlə əlaqələr və kommunikasiya şöbəsinin müdiri Mətin Məcidli bildirdi ki, ölkəyə “Nurofen” dərmanı bir neçə çeşiddə idxal olunur: ““Nurofen” sirop: oktyabr ayı ərzində iki dəfə - 17 oktyabrda və 24 oktyabrda idxal üçün müraciət edilib. Birinci tarixdə 7320, ikincidə isə 7380 qutu siropun ölkəyə idxalına icazə verilib.
“Nurofen” express 200 mq, kapsul: 23 sentyabrda idxal üçün müraciət olunub və 1008 qutu dərmanın ölkəyə idxalına icazə verilib. 24 oktyabrda son müraciət olunub və 720 qutu dərmanın ölkəyə idxalına icazə verilib.
“Nurofen” 200 mq, tablet: 21 iyulda idxal üçün müraciət olunub və 21 888 qutu dərmanın ölkəyə idxalına icazə verilib. 10 oktyabrda idxal üçün müraciət edilib və 2304 qutu dərmanın ölkəyə idxalına icazə verilib”.
Qurumdan bildirilib ki, AEM-in funskiyasına yalnız ölkəyə idxal olunan dərman vasitələrinin laborator analizi və sənədlərinin uyğunluğunu yoxlamaq daxildir.
Ən Çox Oxunanlar
Yeni Xəbərlər
