"Anju" müayinəsindən kimlər keçməlidir?
- 2022.03.09 16:27
- 6643 Baxış
Anjio (Koronar Anqioqrafiya) damarlarda daralma və tıxanma kimi fəsadları müəyyən etmək üçün icra olunan müayinə metodudur.
Medicina.az xəbər verir ki, ürək-damar cərrahiyyə uzmanı Cabir Gülmalıyevin sözlərinə görə, anqioqrafiya zamanı yuxarı və ya aşağı ətrafdakı böyük arteriyalardan daxil edilən kateter (1,5-2mm nazik boru) ilə ürəyi qidalandıran damarlara çatılır. Kateter vasitəsilə koronar damarlara qeyri-şəffaf maddə (boya) yeridilir və damarların təsviri əldə olunur.
Prosedurdan sonra kateter çıxarılır və qanaxmanı dayandırmaq üçün 10-20 dəqiqə təzyiq tətbiq edilir. Anqioqrafiya, yerli narkoz sayəsində ağrısızdır.
Koronar Anqioqrafiya müayinəsindən kimlər keçməlidir?
- tez-tez təngnəfəslik və ürək nahiyəsində şiddətli ağrısı olanlar;
- hər hansı ürək xəstəliyi aşkar olunub, müalicəsi effekt verməyənlər;
- miokard infarktı keçirənlər;
- anadangəlmə ürək qüsuru şübhəsi olanlar;
- ürək çatışmazlığı simptomları (öskürək, tezləşmiş ürək döyünməsi və s.) olanlar;
- ürək damarlarında aparılan əməliyyatlardan əvvəl və sonra.
Ən Çox Oxunanlar
Yeni Xəbərlər
