- İnfeksiyalar daha tez aşkar ediləcək“Ağıllı” mikroskop hazırlandı
- 2017.12.28 09:35
- 14400 Baxış
Süni intellektin köməyi ilə qanın tərkibində olan patogenləri müəyyənləşdirən "ağıllı” mikroskop hazırlanıb.
Medicina.az publika.az-a istinadən xəbər verir ki, İsrailin "Beth Israel Deaconess Medical Center” (BIDMC) mərkəzinin mikrobioloqları tərəfindən hazırlanan cihaz dünya mediasının diqqətini çəkib. Mikroskop köməyi ilə əldə edilən fotolar alqoritmlər tərəfindən emal edilir.
"Naked Science” nəşrində gedən məlumata görə, mikroskop vasitəsilə çəkilən fotoları dəqiqliklə tanıyan neyroşəbəkə, bakteriyaları dəqiqliklə incələmək üçün əvvəlcədən boyaq maddə emal edən və onlara çoxalmağa imkan yaradacaq normal temperaturda saxlanılan 25 minə yaxın nümunənin 100 mindən çox massiv fraqmenti yüklənib.
Belə ki, neyroşəbəkə mövcud bakteriyaları onların xarici görünüşlərinə görə tanıyırdı. Bunun köməyilə orqanizmdə ciddi xəstəliklər törədən geniş yayılmış bakteriyaları müəyyənləşdirmək olub. Sınaqlar zamanı neyroşəbəkə, insan müdaxiləsi olmadan emal edilən 189 nümunə üzərində test edilib. Sistem bakteriya növlərinin 93 faizini dəqiq şəkildə müəyyənləşdirib. Mütəxəssislərin fikrincə, gələcəkdə sistemi daha təkmilləşdirməklə tam avtonom diaqnozlaşdırma alətinə çevirmək olar.
Xatırladaq ki, hər il bakterial infeksiyalar dünyada minlərlə insanın həyatına son qoyur. Vaxtında qoyulmuş dəqiq diaqnoz onların həyatını xilas edə bilər. Bundan başqa, təlim görmüş neyroşəbəkə öz-özlüyündə yeni mütəxəssislərin öyrədilməsinə imkan verən məlumat bazası rolunu da oynayır. Hazırda dünyanın bir çox ölkələrinin səhiyyə sistemində laboratoriya sistemində kifayət qədər qeyri-dəqiq diaqnozlar qeydə alınır.
Ən Çox Oxunanlar
Yeni Xəbərlər
