Ağrıkəsicilərdəki təhlükə - İnsult riskini 20 faiz artırır
- 2024.02.22 13:59
- 1132 Baxış
Bir çox insan müxtəlif xəstəliklər və ağrılar üçün ağrıkəsicilərə müraciət edir.
Baş ağrısı və bel ağrıları zamanı parasetamol və ya ibuprofen kimi həblər qəbul edənlər diqqətli olmalıdırlar. Çünki ağrıkəsicilərin davamlı istifadəsi böyük təhlükə yaradır.
Medicina.az xarici mətbuata istinadən bildirir ki, bu dərmanlar paket təlimatlarına uyğun istifadə edildikdə təhlükəsiz olsa da, onları davamlı olaraq qəbul etməyin riskləri var.
Son vaxtlara qədər parasetamol yüksək qan təzyiqi olan xəstələrin istifadəsi üçün təhlükəsiz bir dərman hesab olunurdu. Lakin 2022-ci ildə aparılan bir araşdırma, parasetamolun uzun müddət istifadəsinin hipertəzyiqli insanlarda ürək xəstəliyi və insult riskini artıra biləcəyini göstərdi.
Edinburq Universitetindən bir komandanın rəhbərlik etdiyi tədqiqat zamanı yüksək qan təzyiqi olan 110 xəstəyə iki həftə ərzində gündə dörd dəfə bir qram parasetamol və plasebo təyin edildi. Gündə dörd qram parasetamol, xroniki ağrıları olan xəstələrə müntəzəm olaraq təyin olunan bir dozadır. Təyin olunan parasetamolun qan təzyiqi plasebo qəbul edənlərlə müqayisədə əhəmiyyətli dərəcədə artıb.
Bu artım qeyri-steroid antiinflamatuar dərmanlardan istifadə zamanı müşahidə edilən artıma bənzəyir və ürək xəstəliyi və ya insult riskini təxminən 20 faiz artıracağı gözlənilir. Buna görə də komanda uzun müddət ağrıkəsici qəbul etməli olan xəstələrə ən qısa zamanda ən aşağı təsirli dozanın verilməsini uyğun hesab edir.
“Bu araşdırma açıq şəkildə göstərir ki, dünyada ən çox istifadə edilən dərman olan parasetamol infarkt və insult üçün ən mühüm risk faktorlarından biri olan qan təzyiqini artırır” - deyə Edinburq Universitetində klinik farmakologiya kafedrasının sədri, professor Ceyms Dear bildirib.
Onun sözlərinə görə, həkimlərin və xəstələrin, xüsusən də ürək-damar xəstəlikləri riski altında olanların "riskləri və faydaları birlikdə qiymətləndirməsi" lazımdır.
“Xülasə olaraq göstərdik ki, iki həftəlik parasetamol müalicəsi yüksək qan təzyiqi olan xəstələrdə təzyiqi daha da artırıb.
Lakin aparıcı tədqiqatçı Dr. Makintayr arada bir parasetamol istifadə etməyin təhlükəsiz olduğunu hesab edir. O, bu dərmandan mütəmadi istifadə etməyən insanların əbəs yerə narahat olmamalarını məsləhət görür:
"Bu, parasetamolun baş ağrıları və ya qızdırma üçün qısa müddətli istifadəsi ilə əlaqəli deyil, lakin uzun müddətdə onu müntəzəm istifadə edən insanlar üçün yeni aşkar edilmiş bir riskə işarə edir".
Qeyd edək ki, araşdırmada iştirak edən insanlar dərmanı qəbul etməyi dayandırdıqdan sonra onların qan təzyiqi tədqiqatın əvvəlindəki səviyyəyə qayıdıb.
Gül
Ən Çox Oxunanlar
Yeni Xəbərlər
