Ağırlıq qaldırmaq beynin qocalmasını ləngidir
- 2025.04.05 10:00
- 105 Baxış
Braziliyada aparılan bir araşdırma, çəki məşqlərinin yaddaş qabiliyyətini artıraraq Alzheimer riskindən qoruduğunu ortaya qoyub.
Medicina.az xəbər verir ku, San-Pauludakı Campinas Universitetinin alimləri tərəfindən aparılan araşdırmada yüngül koqnitiv pozğunluğu olan 44 nəfər müayinə olunub. Altı ay ərzində həftədə iki dəfə ağırlıq qaldıran iştirakçıların yaddaşında və beyin strukturlarında əhəmiyyətli irəliləyiş olduğu halda, məşq etməyən qrupda koqnitiv geriləmə aşkar edilib.
Beyin sağlamlığına təsiri
Tədqiqat, çəki məşqlərinin Alzheimer xəstəliyi ilə əlaqəli hipokampus və prekuneus bölgələrində büzülmənin qarşısını aldığını sübut edib.
Tədqiqatın aparıcı müəllifi Isadora Ribeiro, "Fiziki inkişaf gözlənilən idi, lakin idrak inkişafının da bu qədər təsirli olması bizi sevindirdi. Araşdırmamız göstərir ki, ağırlıq qaldırmaq demensiyaya qarşı güclü qoruma təmin edir".
Araşdırmada iştirakçılar iki qrupa bölünüb. Birinci qrup həftədə iki dəfə orta və yüksək intensivliklə ağırlıq qaldırıb. Digər qrupunda olanlar isə heç bir fiziki fəaliyyət göstərmədilər. Nəticələr, ağırlıq qaldıran qrupun şifahi yaddaş və neyron bütövlüyü baxımından daha yaxşı performans göstərdiyini ortaya qoydu.
Tədqiqat həmçinin göstərdi ki, ağırlıq qaldırmaq beyni iki əsas mexanizm vasitəsilə qoruyur. Ağırlıq qaldırmaq neyron artım faktorlarını artırır və bədəndəki iltihabı azaldır.
Tədqiqatçılar bu cür məşqlərin demansa qarşı ucuz və təsirli bir tədbir ola biləcəyini vurğuladılar və fiziki təlimçilərə daha çox yer verilməli olduğunu bildirdilər.
Aygün
Medicina.az
Ən Çox Oxunanlar
Yeni Xəbərlər
