2021 maska taxacağımız bir il olacaq - Alman viroloq
- 2020.09.21 12:34
- 2456 Baxış
"Berlin Charite" Xəstəxanası Viroloji İnstitutu Prof. Dr. Christian Drostenin sözlərinə görə, vaksin tapılsa da, uzun müddət maska taxmaq məcburiyyətində qalacağıq.
Medicina.az məşhur viroloqun müsahibəsini təqdim edir:
Korona pandemiyası ilə nə qədər yaşamalı olacağıq?
Hansısa proqnoz vermək çox çətindir. Avropa da bir-birindən fərqli vəziyyətlərdədir. Asan bir qış olmayacaq. Gələn il peyvəndi əldə edəcəyik. Düşünürəm ki, cəmiyyətin müəyyən hissəsinin peyvəndlənməsi qarşıdakı ilin sonuna qədər davam edəcək. Maskalardan belə tez qurtulmayacağıq. Çünki peyvəndləmə bitsə belə, insanların çoxu hələ də maska taxmağa davam etməli olacaq. Almaniya kimi çox az infeksiyası olan ölkələrdə, peyvəndlənənlər belə çox olmayacaq. Bu vəziyyət böyük ehtimal digər Avropa ölkələrində də yaşanacaq.
Hansı ölkələr xüsusilə sizi narahat edir?
Hindistan üçün çox narahatam. Ölkə böyük nüfusa malikdir. Virus orada yayılır. Nəzarətsiz deyə bilmərəm amma təxminən vəziyyət elədir. Sonra, təbii ki, Cənubi Amerikaya görə narahatam. Qış gəlir və arasında Avropanın da olduğu, virusa qarşı çox az nəzarət etmiş bölgələr koronayla payıza girir.
Qarşımızda payız və qış var. Almaniyada vəziyyət nədir?
Avropa ölkələri arasında virusa və digər parametrlərə görə çox az fərqinin olduğunu düşünürəm. Fransa, İngiltərə, İspaniya kimi digər ölkələrə baxmalıyıq. Orada gördüyümüz budur ki, tezliklə qarşısını almasaq göstərməsək, Almaniyada da bənzər vəziyyət yaşanacaq.
Maska ilə uzun müddət yaşamalı olacağımızı dediniz. Bir daha nə zaman bir-birimizi qucaqlaya biləcəyik?
Bu çox çətin bir sualdır. Gələn il dünyanın bəzi bölgələrində insanların hələ də özlərini qorumasına təəccüblənmərəm. Virusa yoluxmanın qarşısının alınmasını və peyvəndin istifadəsini gözləsək, 2021-ci ilin sonuna qədər maska taxmalı olacağımızı deyə bilərik. Dəqiq bir söz demək imkansılzdır. Amma gələn il maska taxacağımız bir il olacaq.
Aygün Nəbiyeva
Ən Çox Oxunanlar
Yeni Xəbərlər
