200-ə qədər sakin sudan zəhərləndi

2019.06.10 10:06
18341 Baxış

Birləşmiş Ərəb Əmirliklərinin (BƏƏ) Əcman əmirliyində zəhərlənmə olub. "Horizon Towers” yaşayış komplekslərinin 200-ə yaxın sakini keyfiyyətsiz içməli sudan zəhərlənmə əlamətləri ilə tibb müəssisələrinə müraciət edib. Medicina.az Əcman polisinin "Twitter” mikrobloqunda yaydığı məlumata istinadla xəbər verir ki, iki istirahət günü ərzində əmirlik xəstəxanalarına ümumilikdə 190 nəfərə yaxın sakin müraciət edib. Onlardan yeddi nəfər xəstəxanaya yerləşdirilib. Qeyd olunur ki, hazırda onların vəziyyəti sabitdir. Əcmanın kommunal xidmətləri yaşayış kompleksini su ilə təmin edən bütün boru və anbarlarda yoxlama işləri aparır. Həmçinin içməli su dezinfeksiya edilir.