Hansı özəl klinikaya etibar edirsiz? - SORĞU

Xəbərlər
Xəbərlər
17 may - Dünya Hipertoniya ilə mübarizə günü - Yüksək təzyiqin əlamətləri

17 may - Dünya Hipertoniya ilə mübarizə günü - Yüksək təzyiqin əlamətləri

2023.05.17 14:55
2108 Baxış

Hər il mayın 17-si Hipertoniya ilə Mübarizə Liqası və Beynəlxalq Hipertoniya Cəmiyyətinin təşəbbüsü ilə Dünya Yüksək təzyiqlə Mübarizə Günü olaraq qeyd edilir.

"Medicina" xəbər verir ki, dünyada ildən ilə 60 yaşından yuxarı olan insanların artıq 50%-də yüksək təzyiq var. 10% əhali isə hələ təzyiqlərinin olmasından xəbərsizdir.

Arterial təzyiq sizin ürəyinizin vurduğu qanın həcmi və arteriyalarınızın rezistentliyi ilə təyin olunur. Ürəyiniz nə qədər çox qan vurursa və damarlarınız nə qədər dardırsa təzyiqiniz o qədər yüksək olur. Yüksək təzyiq demək olar ki, hər kəsi zədələyə bilir. Lakin xoşbəxtlikdən asanlıqla diaqnozu qoyulur və dərmanlar vasitəsi ilə idarə edilə bilir.

Təzyiqə səbəb olan 10 amili təqdim edirik:

- Artıq çəki. Çəkiniz artıq olduqca, orqanizminizə o qədər çox qan lazım olur. Və qanın artması da təzyiqin artmasına səbəb olur.

- Fiziki aktiv olmamaq. Sizin fiziki aktiv olmamağınız ürəyinizin işini artırır və ürək vurğularının tezliyi artmış olur.

- Tütün istifadə edilməsi. Bu tip tüstülər sizin arteriyanızın divarını zədələyir. Bu da arteriyaların divarının daralmasına və təzyiqin yüksəlməsinə səbəb olur.

- Qidalarda duzun çox istifadəsi. Duzun çox istifadəsi mayenin orqanizmdə toplanmasına, bu da təzyiqin qalxmasına səbəb olur.

- Qidanızda kaliumun az olması. Kalium sizin hüceyrələrdə duz balansını saxlamağa kömək edir. Kifayət qədər kalium istifadə etmirsinizsə qidanızsa bu duzun orqanizmdə yığılmasına və təzyiqin qalxmasına səbəb olur.

- Alkoholun istifadəsi. Zaman keçdikcə alkohol içmə sizin ürəyinizi zədələyir.

- Stress. Yüksək stress təzyiqin qalxmasına səbəb olur.

- Xronik vəziyyətlər. Xronik vəziyyətlər təzyiqin yüksək olmasına gətirib çıxarır. Məsələn, şəkərli diabet, böyrək xəstəlikləri, yüksək xolesterol, yuxu apnoyesi.

Bəzən hamiləlik də yüksək arterial təzyiqə səbəb olur. Hipertenziya bəzən uşaqları da zədələyə bilir. Böyrək və ürək xəstəlikləri uşaqlarda təzyiqin qalxmasına səbəb olur.

Aygün Musayeva