11 yaşda hamilə qalmış qız hələ də müalicə olunur
- 2021.11.24 14:54
- 2250 Baxış
"Fiziki təzyiqlər onun psixi durumunda izlər buraxıb".
Medicina.az xəbər verir ki, Ailə, Qadın və Uşaq Problemləri üzrə Dövlət Komitəsinin sədri Bahar Muradova jurnalistlərə açıqlamasında deyib ki, qız davamlı şəkildə həm fiziki, həm də mənəvi təzyiqlərə məruz qalıb:
“Bu da onun psixoloji durumunda ciddi izlər buraxıb. Hazırda onun müalicəsi komitənin və aidiyyəti qurumların dəstəyi ilə davam edir. Qız və ailəsi fərdi terapiyadan qrup terapiyasına keçib. Vəziyyətlərində müəyyən qədər yaxşılaşma hiss olunur. Onların psixoloji yardıma yenə ehtiyacı var. Qızın vəziyyəti nəzərə alınaraq həftədə üç dəfə müəssisə daxilində təhsilə cəlb olunub. Terapiya başa çatdıqdan sonrakı durum bizə hansı addımların atılmalı olduğunu göstərəcək. Bundan sonra istəsə öz ailəsinə və ya oxuduğu məktəbə qayıda bilər.
Məqsədəuyğun olmasa, təhsilini digər məktəbdə davam etdirəcək. Ailənin bu günə qədər olduğu mühitdən tamam ayrı mühitdə yaşamasına çalışacağıq”.
Ən Çox Oxunanlar
Yeni Xəbərlər
