102 yaşlı əkiz bacılar sağlamlığın sirrini açdı
- 2022.07.01 15:50
- 2517 Baxış
Böyük Britaniyada əkiz bacılar Edit Damblton və Dorkas Tobin 102 yaşlarını qeyd edərək uzunömürlülüyün sirrini açıblar.
Medicina.az xəbər verir ki, bacılar 1920-ci ildə 45 dəqiqə fərqlə anadan olublar. Onların birlikdə beş övladı, doqquz nəvəsi və 22 nəticəsi var. Dambltonun 68 yaşlı qızı Kristin Bemand bildirib ki, ailə anası və xalasının ad günlərini qeyd etmək üçün bir yerə toplaşıb. "Bayram sakit və ailəvi oldu: pendirli sendviç yedilər və xatirələrini xatırladılar", - o deyib.
Dambltonun dediyinə görə, o və bacısı həmişə təvazökar yaşadıqlarına və sərvət və rahatlıqlarını itirməkdən qorxmadıqları üçün bu yaşa qədər yaşaya biliblər. Onun fikrincə, bu, onları stressdən azad edib. O əlavə edib ki, hələ də həyatdan hər şeyi almağa çalışır və hər anından həzz alır.
Tobin etiraf etdi ki, onun sirri fəaliyyətdə eniş-yoxuşlara baxmayaraq, yaşamağa davam etmək bacarığındadır. "Mənim kiçik bir istixanam var, bağçılıq edirəm və bu məni xoşbəxt edir", - o deyib.
Ən Çox Oxunanlar
Yeni Xəbərlər
