Özəl klinikalarda peyvənd niyə 15 dəfə bahadır? - İlginc səbəb

"Peyvəndlə əlaqədar vaksinlərin istehsal edildiyi ölkədən asılı olaraq onların keyfiyyətinin fərqləndiyi barədə mülahizələr tamamilə yanlışdır”.
Bunu Medicina.az saytına müsahibəsində tibb elmləri doktoru, professor K.Fərəcova adına Elmi-Tədqiqat Pediatriya İnstitutunun direktoru Nəsib Quliyev bildirib.
Baş pediatr deyib ki, peyvəndlərin tərkibi eynidir və bu gün peyvənd üçün vaksinlərin hansı ölkədə istehsal edilməsindən asılı olmayaraq, Ümumdünya Səhiyyə Təşkilatı onun keyfiyyətinə, tərkibinə xüsusi nəzarət edir. N. Quliyev özəl xəstəxanalarda peyvəndin baha olmasının səbəblərinə də aydınlıq gətirib: "Dövlət bunu pulsuz həyata keçirir, özəl xəstəxanalar isə bunu 10-15 dəfə baha edir. Bunun səbəblərinə gəlincə, dövlət bu vaksinləri istehsalçı ilə öncədən bağladığı müqavilə əsasında əhalinin tələbatına uyğun olaraq məsələn, 2 milyon doza alır. Dövlət bunu topdansatış qiymətinə alır və müqavilədə öncədən qiymət göstərildiyi üçün qiymətə dəyişiklik etmək mümkün deyil. Həm də dövlət peyvəndi bir dozalıq almır. Məsələn, 10, 20 dozalıq bir flakonda alır. Yəni qablaşdırmaya gedən pul da bu halda xərcdən çıxır. Nə zaman ki, vaksinin hər dozası bir şprisə yığılır, bu, qiymətə təsir edir. Özəl xəstəxanalar da vaksini bir dozalıq alır, çünki özəl xəstəxanaya uşaqlar çox gəlmir, əksər halda bir uşaq gəlir. Əgər 10 dozalıq bir flakon açsalar, onu işlətməlidirlər və bir uşaq olduğu üçün 9 dozanı atmalıdırlar. Ona görə də özəl xəstəxanalar vaksinləri topdansatış deyil, pərakəndə satış qiyməti ilə alırlar. Peyvəndin pərakəndə satış qiyməti ilə bərabər özəl xəstəxanalarda peyvəndin vurulması da çox bahadır”.
N. Quliyev onu da nəzərə çatdırıb ki, Azərbaycandan fərqli olaraq bir çox ölkələrdə dövlət uşaqların sayına uyğun vaksinlər almır: "Məsələn, Ukraynada dövlət uşaqların 60 faizi üçün peyvənd alır, çünki dövlətin imkanı yoxdur”.
Digər xəbərlər
-
“Valideynlərin 70 faizi axmaqdır, onların ucbatından uşaqlar travma alır, zəhərlənir və ölür” - Uşaq reanimatoloqundan dəhşətDaha ətraflı »
-
Doğuşdan sonra qadınlar niyə depressiyaya düşür? - Körpə üçün həyati təhlükə!/ Səbəb və müalicəsiDaha ətraflı »
-
Bacı və qardaşı bir otaqda yatırmaq, bir yerdə çimizdirmək olarmı? - Azərbaycanda cinsi tərbiyə məsələsiDaha ətraflı »
-
Uşaqları vahiməyə salan dədə-baba sünnəti, yoxsa narkozla əməliyyat? - Özəl klinikalarda sedasiyalı sünnətin qiymətləri/ ARAŞDIRMADaha ətraflı »
-
8 yaşlı uşağın müəmmalı intiharı: ölümün nə olduğunu bilməyən uşaq özünü necə asa bilər? - Psixoloqdan SOSDaha ətraflı »
-
Uşağın sağlam olması üçün nə etməli? - Məşhur ukraynalı pediartdan 10 SUPER məsləhətDaha ətraflı »
Copyright © 2017 Bakutibb.az, Bütün hüquqlar qorunur.