Satışda olan ayaqqabıları yalın ayağa geyinib yoxlamayın – Ayaqqabı mağazalarında sizi gözləyən təhlükə
- 2018.09.04 15:31
- 11454 Baxış
4 yaşlı Sienna Rassul anası ilə ayaqqabı mağazasına gedib, ayaqqabılara baxdığı günün səhərisi özünü pis hiss etməyə başlayıb.
Medicina.az xəbər verir ki, qızın ayağının altında yara açılmış, qısa müddətdə iltihab dizə kimi yayılmışdı. Yüksək hərarətlə xəstəxanaya çatdırılan qıza sepsis diaqnozu qoyulur.
Həkimlərin rəyinə görə, dabanında kiçik yara olan qız ayaqqabı mağazasında ayaqqabıları geyinib baxdığı zaman yaraya bacterial infeksiya keçib.
5 günlük antibiotikterapiyadan sonra xəstənin vəziyyəti düzəlib. Uşağın anası sosial şəbəkələrdə valideynləri bu hadisə barədə məlumatlandıraraq uşaqlarını qorumağa çağırır.
Həkimlərin məsləhətinə görə ayaqqabı alan zaman müxtəlif ayaqqabıları yalın ayağa keçirdikdə orda sizdən əvvəlki alıcıların ayağından keçmiş göbələk, bakteriyalar ötürülə bilər. Ona görə hətta yay aylarında belə ayaqqabı alarkən ayağınızda nazik corabla geyinin. Sonra o corabları evdə yuyun.
Bu yolla özünüzü ayaqqabı ilə keçə biləcək müxtəlif xəstəliklərdən qoruya bilərsiz.
Ən Çox Oxunanlar
Yeni Xəbərlər
