Rəngli daşların insan orqanizminə möcüzəvi təsiri - Hansı rəng daş nə işə yarayır...
- 2018.12.04 12:08
- 27578 Baxış
Bir çox rəng və litoterapiya mütəxəsisləri hesab edirlər ki, insan öz talisman daşını seçərkən onun rənginə də əhəmiyyət verməlidirlər. Belə olduqda daşın müsbət enerjisinin insana təsiri daha da effektiv olacaq.
Hər bir daş insana özünəməxsus şəkildə təsir edir. Lakin eyni rəng tonlarına malik olan daşların təsir xüsusiyyətlərində ümumi cəhətlər mövcuddur.
Medicina.az daşların rənglərinə görə insan orqanizminə təsirini təqdim edir:
Qırmızı rəng – orqanizmə oyandırıcı təsir göstərir, fəaliyyətini aktivləşdirir, dözümlülüyünü artırır, əhval-ruhiyyəni qaldırır.
Qırmızı rəng şərq təbabətinə əsasən bir sıra xəstəlikləri müalicə edir. Bu rəngin enerjisi sümük iliyinə və sinir toxumalarına stimullaşdırıcı təsir edir. Qırmızı rəng qan dövranını və ürəyin işini yaxşılaşdırır, bir sıra dəri xəstəlikləri zamanı da müsbət təsir edir.
Qırmızı daşlar: rubin, qırmızı qranat, şpinel, qırmızı turmalin, qırmızı yaşma, mərcan, rodonit və s.
Narıncı rəng – psixoloji cəhətdən daha dözümlü olmağa müsbət təsir edir. Hesab edilir ki, narıncı rəng sinir və əzələ toxumasını bərpa edir. Bundan əlavə, narıncı rəng dalağın, tənəffüs sisteminin işini və həzmi yaxşılaşdırır.
Narıncı daşlar: narıncı sirkon-qiasint, sardoniks, serdolik, narıncı safir, yaşmanın bəzi növləri və s.
Sarı rəng – bədəni tonuslaşdırır, görmə və sinir sisteminə stimullaşdırıcı təsir edir. Zehni bacarıqları aktivləşdirir. Sarı rəngə baxmaq insanda daxili harmoniya yaradır. Hesab edilir ki, sarı rəng bütün orqanizmə təmizləyici təsir edir, bir sıra dəri xəstəliklərinin qarşısını alır, iştahı artırır, yuxusuzluğu aradan qaldırır.
Sarı daşlar – qeliodor, kvars, serdolik, turmalinin və topazın sarı rəngli növləri, sitrin, yaşma.
Yaşıl rəng – təbiətin və ölümsüzülüyün rəngidir. Bu rəng orqanizmin müdafiə xüsusiyyətini artırır. İnsan psixikasına sakitləşdirici təsir göstərir. Ürəyin aritmiyasını aradan qaldırır, qan təzyiqini normallaşdırır, görməni yaxşılaşdırır, fikirləri cəmləməyə yardımçı olur.
Ümumilikdə yaşıl rəng insanda təravət, sərinlik və təhlükəsizlik hissi yaradır.
Yaşıl daşlar: demantoid, jadeit, zümrüd, malaxit, nefrit, uvarovit, xrizopraz, xromdiopsid və s.
Mavi rəng - bu rəng emosionallıq və ünsiyyət rəngidir. Mavinin tonları insanda yüngüllük və təmizlik hissi yaradır. Bu rəng müvazinətli insanların rəngidir desək yanlmarıq.
Mavi daşlar: akvamarin, mavi topaz, mavi sirkon, biryuzai və s.
Göy rəng: orqanizmin yaşam gücünü artırır, sinir sistemini qüvvətləndirərək fikirləri cəmləməyə yardımçı olur. O, orqanizmin bir sıra xəstəliklərlə və infeksiyalarla mübarizə etməsinə kömək edir. Göy rəngin müalicəvi təsiri boğaz ağrısı, bağırsaq pozulması və bir sıra ağciyər xəstəliklərində özünü göstərir.
Göy daşlar: safir, kordierit, lazurit, göy turmalin, azurit və s.
Bənövşəyi rəng: filosofların və şairlərin daşı hesab edilir. Bənövşəyi rəng sinir sistemini sakitləşdirir, bu xüsusiyyətinə görə, bir sıra psixi və nevroloji pozulmalar zamanı tətbiq edilir. Belə hesab edilir ki, bənövşəyi rəng revmatizm, beyin silkələnməsi və böyrək xəstəlikləri zamanı da xeyirlidir.
Bənövşəyi daşlar – ametist, çaroit, flüorit
Qara rəng – qaranlıq gecənin rəngidir. Bu rəng qorxulara qalıb gəlməyə və özgüvən hissinin artmasına kömək olur.
Qara daşlar - əqiq, obsidian, qara turmalin, hematit, morion və s.
Ağ rəng - xeyirxahlığın, uğurun, təmizliyin rəmzidir. Ağ rəng insana enerji, əhval-ruhiyyə, ruh yüksəkliyi aşılayır. Hesab edilir ki, ağ rəng mərkəzi sinir sisteminə müsbət təsir göstərir, orqanizmi şlaklardan təmizləyir, gərginliyi aradan qaldırır.
Ağ daşlar - opal və xalsedeonun bir çox növləri, kaxolonq və s.
Arzu
Medicina.az
Ən Çox Oxunanlar
Yeni Xəbərlər
