BölmələrRU
Xidmətlər
 

Meningit mövsümü başlayır, yoluxma yolları - Nəm saçlarla çölə çıxmaq olmaz

Havaların kəskin soyuması ilə Şimal qonşumuz – Rusiyanın bəzi şəhərlərində, xüsusən Samarada ciddi meningit simptomlarının artdığı barədə məlumatlar yayılıb. 

Kəskin meningit nədir və simptomları:

Medicina.az xəbər verir ki, bu, baş beyin yumşaq toxuma örtüyünün iltihabi prosesidir. 80% hallarda törədicisi virus, göbələk və bakteryalar olur. Oyadıcı təsir isə enteroviruslar, Epşteyn Barra virusu, herpes, qrip, polimiolit və s. tərəfindən olur. Xəstəlik uşaq və yeniyetmələrdə daha çox rast gəlinir. 
 
Əsas əlamətləri:

-Hərarətin kəskin, 40 dərəcəyə kimi qalxması

-Baş ağrısı

-Əzələ ağrısı, oynaq ağrısı, ürəkbulanma, qusma

-Baş ağrısı işıq, səs və hərəkətdə güclənir

-Xəstə başını sinəsinə doğru əyəndə kəskin ağrı olur

-Meningit boğaz ağrısı, rinit, öskürəklə də paralel gedir. Xəstə udquna bilmir. 

İnkubasiya dövrrü 3 gündən 10 günə kimi davam edir. Hava damcı, ünsiyyət, su ilə ötürülür. 
 
Nə etməli?

Meningitdən şübhələnirsizsə, dərhal təcili yardım çağırın. Evdə özbaşına antibiotik qəbul etməyin. Meningit xəstəxana rejimində virus əleyhinə preparatlarla, qıcolma əleyhinə dərmanlarla, ağrıkəsicilərlər, izotonik məhlulla müalicə olunur.

Necə qorunmalı:

-Yaş və nəm saçla soyuqda gəzməməli

-Yalnız evdə qaynadılmış su içməli

-Umumi tualetlərdən istifadə etdikdə əlləri dezinfeksiya etməli

-Açıq havada hazırlanan fast food yeməməli

-Göyərçin, ev heyvanları, gəmiricilərə toxunmamalı