Həkim yanında uşaq ölümü qeydə alınmayıb
- 2018.04.05 15:15
- 1527 Baxış
"Ötən il Bakı şəhəri Təcili və Təxirəsalınmaz Tibbi Yardım Stansiyasına 693 600-dən çox ümumi müraciət daxil olub".
Medicina.az xəbər verir ki, bunu Stansiyanın Tibbi Yardım Stansiyası baş həkiminin Müalicə işləri üzrə müavini İradə Əliyeva keçirdiyi mətbuat konfransında deyib.
Onun sözlərinə görə, müraciətlərdən 63 300-dən çoxu xəstəxanalara yerləşdirilib: "Uşaqlar üçün edilən çağırışların sayı 83 000-dən, onlardan xəstəxanalara yerləşdirilənlər çağırışların sayı 12 500-dən artıq olub ki, bu rəqəmdə azalma qeydə alınıb. Stansiyada əvvəllər fəaliyyət göstərən pediatrik briqadalar bərpa olunduğundan keçən il həkim yanında uşaq ölümü olmayıb".
İ.Əliyeva qeyd edib ki, hesabat dövründə reanimasion tədbirlərin görülməsi nəticəsində çox ağır vəziyyətlərdən çıxarılaraq həyatı xilas edilən xəstələrin sayı 2000 nəfərdən çox olub: "Ürək-qan damar xəstəlikləri ilə bağlı müraciətlərin sayı 150 325, hospitalizasiya 12 354, miokard infarktı ilə müraciətlərin sayı 865, hospitalizasiya 814-ə yaxın, insultla müraciətlətin sayı 3 728, hospitalizasiya 3 311 olub. Keçən illə müqayisədə miokard infarktı ilə bağlı müraciətlərin sayında azalma, insultla bağlı müraciətlərin sayında isə artım müşahidə olunur".
Ən Çox Oxunanlar
Yeni Xəbərlər
