BölmələrRU
Xidmətlər
 

Bizi kökəldən dərmanlar – SİYAHI

Amerika dietoloqları hesab edir ki, piylənmə, kökəlmə 15-20% hallarda qəbul olunan dərman preparatları ilə əlaqədar olur. 
Nəinki məşhur hormonal dərmanlar, bəzən adi ağrıkəsici belə kökəlməyə təkan verir. Səbəb: o dərmanın ya iştah artırması, ya kalori yanmasına mane olması, ya bədəndə mayeni toplaması, şişkinlik yaratmasıdır. Qısası bir dərman hər insana eyni təsir etmir. 

Medicina.az insana köklük, şişkinlik verə biləcək dırmanları təqdim edir:

Depressiya, nevroz, stress hallarında yazılan aşağıdakı tərkiblər:
-Sitalopram
-Fluvoksamin
-Mirtazapin
-Paroksetin
-Sertralin
Bu tərkiblər iştahı artırır, emosiyanı qaldırır. 
Bir çox antidepressantlar 3 ay istifadə müddətində sizə 10 kq-a qədər çəki qazandıra bilər. 


Əhval ruhiyyə stabilizatorları 
-Klozapin
-Olanzapin
-Kvetiapin
-Risperidon
Biopolyar pozğunluqlar və şizofreniyanın müalicəsində yazılan bu tərkiblər maddələr mübadiləsini pozur, iştaha nəzarəti itirir. Artıq 2 ay sonra 3-4 kq çəki artımı hiss olunur. Bu dərmanları qəbul edən insanlarda sanki yemək düyməsi daim aktiv olur.


Şəkərli diabet preparatları:
-İnsulin
-Qlipizid
-Qliburid
-Nateqlinid
-Repaqlinid
Yeməkdən öncə insulinin sintezini aktivləşdirən bu kimi preparatlar orqanizm dərmana öyrəşənə kimi ilk başda kökəlmə verir. Daha çox II tip diabet xəstələri risk altındadır.

Ağrıkəsici və iltihabəleyhinə kortikosteroidlər:
-Metilprednizolon
-Prednizolon
Astma, autoimmun dəyişikliklərin müalicəsi üçün tablet, gel, maz, inyeksiya şəklində olan bu preparatlar metobolizmi zəiflədir, bədəndə daha çox piy ehtiyatı toplamaq siqnalı verir, iştah artırır və yuxusuzluq gətirir.

Miqren və insulta qarşı dərmanlar:
-Amitriptilin
-Nortriptilin
Aclıq hissini nəzarətə alan hormon sintezini artırır, iştah artırır, doyma siqnalını ləngidir, orqanizmdə maye  yığır

Beta –blokatorlar:
-Asebutolol
-Atenolol
-Metopropol
Bu tərkiblər arterial təzyiqi aşağı salır. Onlar həmçinin fiziki aktivlik zamanı kalori xərcləmə funksiyasını da azaldır. Ona görə bu preparatı qəbul edənlər, idman və gəzməkdən, qaçışdan arıqlama nəticəsi ala bilmir. 

Allergiya dərmanları:
-Setirizin
-Difengidramin- dimedrol
-Feksofenadin
-Loratadin 
Histamin blokedici dərmanlar qadınlarda artıq çəki toplamağa səbəb olur. 


Kontraseptivlər 
Oral və inyeksion kontraseptivlər ən müxtəlif səbəblərdən çəki artımına gətirib çıxarır. Bəzilərinin tərkibində olan progesteron iştahı artırır, bədəndə maye toplayır. 

Dərman preparatlarından kökəlmə risk qrupuna uşaqlar, yeniyetmələr və 35-45 yaş arası insanlar daxildir. Uşaqlarda antibiotik qəbulundan sonra da kökəlmə baş verə bilər. 

Əgər hər hansı müalicəyə başladıqdan sonra kəskin aclıq, iştah artımı və qısa müddətdə kökəlmə hiss etdinizsə, o zaman həkiminizlə məsləhətləşin. Amma dərman qəbulunu özbaşına saxlamayın. Alternativ variantlar seçin.